» Материалы за Август 2014 года

«ЯЙЫҠ ҺЫЛЫУЫ»28.08.2014

«ЯЙЫҠ ҺЫЛЫУЫ»Айгөл ХӘКИМОВА

1994 йылдың 23 авгусында Уральск ҡасабыҺында тыуған.

Уральск урта мәктәбендә секретарь булып эшләй.

Белорет ҡалаҺының иҡтисад Һәм хоҡуҡ институтында белем ала.

Уңышлы уҡып бөтөп, тормошта үҙ урынын табырға - төп маҡсаты.

Сәйәхәт итергә, диңгеҙ күрергә хыяллана.

Оҫталарҙан оҫтараҡ27.08.2014

Оҫталарҙан оҫтараҡ21 август Учалы ҡалаҺында торлаҡ-коммуналь хужалыҡ хеҙмәткәрҙәренең «Һөнәрендә иң яҡшы» зона конкурсы үтте. Әбйәлил, Белорет райондары, Сибай Һәм Межгорье ҡалалары вәкилдәре килде. Хужаларҙың намыҫын «Төҙөкләндереү», «Учалыводоканал» муниципаль унитар предприятиелары, «Учалы йылылыҡ селтәрҙәре» акционерҙар йәмғиәте, «1-се торлаҡ-эксплуатация идаралығы» Һәм «Монтажсы» яуаплылыҡтары сикләнгән йәмғиәттәренең алдынғы эшселәре яҡланы.

Сараны башлау тантанаҺында район хакимиәте башлығының 1-се урынбаҫары Руслан Гиләзетдинов конкурсҡа килеүселәрҙе сәләмләп телмәр тотто, ҡыҫҡаса төбәгебеҙ менән таныштырҙы Һәм торлаҡ-коммуналь хужалыҡ хеҙмәткәрҙәре эшмәкәрлеге Һәр кеше өсөн үтә мөҺим икәнлеген Һыҙыҡ өҫтөнә алды.
-Йылына - 365 көн, тәүлегенә - 24 сәғәт көсөргәнешле эшмәкәрлек алып барған тармаҡ кешеләренә нисек рәхмәтле булмайҺың инде! - тип сығыш яҺаны ҡала ултырағы хакимиәте башлығы Ильяс Килмөхәмәтов, - фәҡәт коммуналь-торлаҡ өлкә хеҙмәткәрҙәре тырышлығы менән Учалы хәҙер инде 3 йыл рәттән Башҡортостандың иң төҙөкләндерелгән ҡалаҺы исемен яулап ала.
(№ 99)

Оло эш башҡарыла27.08.2014

Оло эш башҡарылаУрындағы инициативаларға булышлыҡ итеү программаһын тормошҡа ашырыу сиктәрендә Ҡунаҡбай ауылы халҡы мәҙәни-тарихи комплексты төҙөкләндереү проектын хуплағайны.

Советтар Союзы Геройы Александр Матросов-Шакирйән Мөхәмәтйәровтың тыуған ауылында яугирҙарға бағышланған Һәйкәл (стела) бар, хәҙер ошо тирәлә матур эскәмйәләр Һәм фонарҙар ҡуйыласаҡ, клумбалар булдырыласаҡ Һәм башҡа эш башҡарыласаҡ. Эштәрҙең дөйөм хаҡы - 1,5 миллион Һум. Шул иҫәптән ауыл кешеләре 150 мең Һум ҡушырға йөкләмә алғайны. Шөкөр, Һынатманылар, биргән Һүҙҙәрендә торҙолар.
Ҡунаҡбай ауыл ултырағы башлығы Фазила Шаймарҙанова айырыуса тос иғәнә индергән кешеләрҙең исем-шәрифтәрен рәхмәт менән атап үтте: Тәлғәт үмәров, Рәйес Хәбибуллин, Фәнжиә Лотфуллина, Земфира Сабирова, Дереник Межлумян, Рөстәм Азалеев, Урал Мәсәлимов, Азат Хәсәнов, Илназ Абдуллин, Азат Хәбибуллин, Клара Сәфиуллина, Илнур Кинйәбаев, Азат Сабиров, Вячеслав Мөхәмәтйәров, Дим әлиев Һәм башҡалар. Төп трасса буйында урынлашҡас, комплекс иғтибарҙы үҙенә йәлеп итеп, тотош төбәгебеҙҙең сағыу ҡомартҡыҺына әйләнеүенә тулы өмөт бар. Йәш быуынға патриотик тәрбиә биреү йәҺәтенән бындай үҙәктәрҙең роле баҺалап бөткөҺөҙ ҙур. Шуға ла, бер ултыраҡ өсөн генә түгел, бөтә район өсөн әҺәмиәтле проект тип баҺалау бик тә ғәҙел булыр.
(№ 99)

Һаулығыңды ҡайғырт!27.08.2014

Һаулығыңды ҡайғырт!30 август Учалы ҡалаһының Мәҙәниәт һәм ял паркы алдындағы майҙанда «Сәләмәтлек көнө» уҙасаҡ. Сара район хакимиәтенең инициативаһы менән ойошторола. Уны уҙғарыуҙың төп маҡсаты - кешеләрҙең үҙенең тормошонда сәләмәтлектең ниндәй мөһим урын алыуын аңлатыу тора.

Был көндө теләгендә булған һәр кем үҙәк ҡала дауаханаһы белгестәренән (эндокринолог, теш табибы һәм башҡа белгестәр) бушлай консультация алыу мөмкинлегенә эйә буласаҡ. Шулай уҡ ҡан баҫымын һәм ауырлыҡты, холестеринды Һәм глюкозаны бушлай үлсәтеү мөмкинлеге бирелә. Бының өсөн поликлиникаға йүгерергә йәки ашығыс рәүештә аптеканан тонометр һатып алырға тура килмәйәсәк. Ҡала кардиологтары һеҙгә бушлай консультация үткәрәсәк һәм тикшерәсәк. Тәмәке тартыуҙы, шәкәр диабетын, Һимереүҙе, абортты профилактикалау һәм ауырға ҡалыуҙан һаҡланыу тураһында әңгәмә ойоштороласаҡ. «СПИД тураһында нимә беләһегеҙ?» тигән темаға анкета һорауҙарына яуаптар алынасаҡ. Кескәйҙәр өсөн һүрәттәр конкурсы үткәреү ҡаралған. Ошонда уҡ «Спорт түңәрәктәре» йәрминкәһе лә эшләйәсәк. Ата-әсәләр урында уҡ балаларын спорт түңәрәктәренә яҙҙыра аласаҡ. Сара иртәнге 11.00 сәғәттә башланасаҡ һәм киске 21.00 сәғәткә тиклем дауам итәсәк. Һаулығын ҡайғыртҡан, сәләмәтлегенә битараф булмаған һәр кем был саранан ситтә тороп ҡалмаҫ, тип ышанабыҙ. Сирҙе ваҡытында иҫкәртергә кәрәклеген онотмағыҙ. Иҫән-Һау булығыҙ!
(№ 99)

Сифатлы белем - төп талап27.08.2014

Сифатлы белем - төп талапҠала филармонияһы алды һабантуй майҙанынан кәм түгел ине: ҡала-районыбыҙҙың мәктәп һәм балалар баҡсалары берләшеп татар, украин, ҡаҙаҡ, рус, кавказ һәм башҡа милләттәрҙең «йорт хужалығын» тыуҙырған. Мәғариф өлкәһе хеҙмәткәрҙәре халыҡтарҙың тормош-көнкүрешенә, йолаларына, милли аш-һыуҙарына, кейемдәренә бәйле күргәҙмә ойошторған. Ошолай башланды һәр йыл һайын уҙа торған уҡытыусыларҙың август кәңәшмәһе.

«Хәҙерге белем биреү процесы: сифат проблемалары һәм уларҙы хәл итеү юлдары» тип аталды кәңәшмә темаһы. Ғәҙәттәгесә, ул балалар сығышы менән асылды. Тәү башлап һүҙҙе Өфө ҡунағы, БР Хөкүмәте Премьер-министры урынбаҫары Лилиә Ғүмәрова алды. Республика башлығы Рөстәм Хәмитовтың ялҡынлы сәләмен һәм ҡотлауын еткергәндән һуң, ул белем биреү системаһындағы артабанғы үҫеш юлдарын билдәләп үтте.
- 2016 йылғаса беҙҙең алда балалар баҡсаларында сиратты ликвидациялау маҡсаты ҡуйылған. 2008 йылдан алып республикабыҙҙа 160 балалар баҡсаһы сафҡа индерелде. Был 17 мең сабый урын менән тәьмин ителде тигән һүҙ. Быйыл федераль бюджеттан мәктәпкә тиклемге учреждениелар өсөн (төҙөү, капиталь ремонт, ҡоролмалар һатып алыуға һ.б.) 1,200 миллиард һум субсидия бүленгән, киләһе йылда ла ҙур ғына сумма көтөлә. Тимәк, яҡын киләсәктә 3 йәштән 7 йәшкә тиклемге сабыйҙар балалар баҡсаларына урынлаштырылып бөтәсәк тип күҙаллана.
(№ 99)

Йәш эшҡыуарҙар өсөн11.08.2014

Йәш эшҡыуарҙар өсөнСибай һәм Баймаҡ ҡалаларында «Стратегия «25-20». Төбәк-ара хеҙмәттәшлек - уртаҡ уңыштың яңы мөмкинлектәре» исемле «Урал аръяғы-2014» инвестицион форумы үтте.

Уның маҡсаты - территория-ара кооперация нигеҙендә ресурстарҙы берләштереү хаҡында профессиональ аралашыу ойоштороу, төбәктәр иҡтисадына оҙайлы шәхси капитал йәлеп итеү технологиялары, инвестицион инфраструктура объекттарын булдырыу һәм үҫтереү мәсьәләләре, шәхси эшҡыуарлыҡ ойоштороуға йәштәрҙе йәлеп итеү.
Форумда Учалыны республикабыҙҙа иң перс-пективалы уҡыу йорттарының береһе һаналған Учалы тау-металлургия техникумы вәкилләне. Мәртәбәле сарала БР Президенты, федераль һәм төбәк власть органдары, үҫеш институттары вәкилдәре, бизнес өлкәһендәге абруйлы эксперттар, белгестәр ҡатнашты.
БР Хөкүмәте премьер-министры урынбаҫары Илшат Тажитдинов үҙ сығышында шәхси эшҡыуарлыҡтың республика үҫеше өсөн төп йүнәлештәрҙең береһе булыуын билдәләне. Дәүләт ярҙамы менән йәш эшҡыуарҙар баҙар шарттарында нығынып китә аласағына ышаныс белдерҙе.
(№ 91-92)

Ҡәҙерле кешеләрем11.08.2014

Тупрағы баҫылып өлгөрмәгән, кәҫләнеп ярмаланып ятҡан ҡәбер эргәһендә торам. Был минең улымдың ҡәбере. Йәшләй генә гүр эйәһе булды, йәне ожмахта булһын балаҡайымдың. Бер-ике аҙым өҫтә атайым, әсәйем, ағайым, ҡустым. Күпме йөрәккә төшкән ҡайғы, күҙ йәше. Әсәйем Хатия Сөләймәнова 1934 йылда Иҫтамғол ауылында еләк бешкән ваҡытта донъяға ауаз һала. Ләкин әсә ҡосағында рәхәтләнеп иҙрәй алмай.

Әсәһе дүрт йәшлек ҡыҙын етем ҡалдырып яҡты донъяларҙан китеп бара. Шунан башлана ла инде етемлек һурпаһын татыуҙары. Үҙенән 8 йәшкә оло Ғилмизада апаһы, 4 йәшкә оло Сафура апаһы һәм 2 йәшлек кенә Дәүләтбай ҡустыһы атай ҡарамағында тороп ҡалалар. Аталары бер йылдан Тирләндән Шәмсиямал исемле тол ҡатынды алып ҡайта. Уларҙың Зөһрә исемле ҡыҙҙары тыуа. Ләкин оҙаҡ бергә йәшәй алмайҙар, 1941 йылда һуғыш башланып, аталарын фронтҡа алып китәләр. Ә үгәй әсәй, ҡыҙын эйәртеп, Тирләнгә кире ҡайтып китә, артыҡ тамаҡтар кәрәкмәгәндер инде. Балалар бер үҙҙәре генә донъя көтөп ҡала. Күпмелер ваҡыттан һуң Ғилмизада апалары тормошҡа сығып китә. Сафура апалары 14 йәшлек кенә көйө вафат була. Әсәйем ҡустыһы менән атай йортонда тороп ҡала.
(№ 91-92)

Мәҫкәүҙән Мәскәүгә11.08.2014

Мәҫкәүҙән МәскәүгәҺәр кемебеҙ тормошта бейек үрҙәргә ынтыла. Ҙур ҡалаларға уҡырға инеү - күпселек абитуриенттар өсөн ҡатмарлы мәсьәлә. Башҡортостан абитуриенттары күберәк Өфөгә тартыла: юғары уҡыу йорттарының күплеге, тыуған ерҙән алыҫҡа китмәү һәм башҡа сәбәптәр быны аҡлай. Ҡайһы бер сығарылыш класс уҡыусылары Мәскәүгә юл ала. Ауыл мәктәбенән баш ҡала университетына уҡырға ингән студенттарҙың береһе - яҡташыбыҙ Дим Аллаяров. Районыбыҙҙа Мәҫкәү мәктәбен тамамлап, Мәскәүҙә Серго Орджоникидзе исемендәге Рәсәй дәүләт геологик разведка университетының геофизика факультетында геологик разведка технологияһы бүлегенең беренсе күрсын тамамланы. Дим тыуған ауылынан сыҡҡан беренсе Мәскәү студенты. Мәҫкәү егетенең Мәскәүҙәге тормошон күҙ алдына килтереү өсөн уның менән ҡорған әңгәмәне тәҡдим итәбеҙ.

- Дим, үҙең менән таныштырып үт әле.
- Мин 1995 йылда Ташҡыя ауылында ғаиләлә беренсе бала булып тыуғанмын. Кү рше Мәҫкәү ауылы мәктәбен алтын миҙалға тамамлап, Мәскәүгә Серго Орджоникидзе исемендәге геологик разведка университетына уҡырға индем.
- Буласаҡ һөнәреңде ҡасан физика менән бәйләргә уйланың?
- Химия, физика фәндәрен мәктәптә уҡыған саҡта уҡ үҙ иттем. Тәүҙә икеһенән дә имтихан бирергә уйлағайным. Ләкин техник өлкәлә эшләү маҡсаты менән физиканы һайланым. Был фән, минеңсә, тап ир-егеттәр эше менән бәйле булырға тейеш.
(№ 91-92)

«Зәңгәр яғыулыҡ» килә11.08.2014

«Зәңгәр яғыулыҡ» киләЙәшәйешебеҙҙә газдың әһәмиәте баһалап бөткөһөҙ. Ул көнкүрешебеҙҙе еңеләйтә, халыҡҡа заманса йәшәргә ярҙам итә, уңайлы шарттар тыуҙыра. Ауыл-ҡасабаларҙа күпләп газ үткәргестәр һалыу республика һәм район етәкселеге эшмәкәрлегенең төп йүнәлештәренең береһе булып тора.

«Газпром» акционерҙар йәмғиәтенең төбәктәрҙе газ менән тәьмин итеү һәм газ үткәреү программаһына ярашлы, районыбыҙҙа ауыл-ҡасабаларҙы «зәңгәр яғыулыҡ»ҡа тоташтырыу буйынса һуңғы арала ҙур эштәр башҡарыла. Газ үткәргестәре һуҙыуҙы «Газпром» финанслай, ә урамдарға газ торбалары һалып сығыу рес-публика бюджеты иҫәбенә атҡарыла.
Һуңғы арала республика етәкселегенең тос ярҙамы менән ҡала-районыбыҙҙа бик ҙур эштәр алып барыла. Район буйынса алғанда, ауылдарҙа йорттарҙың - 46, ә ҡалала 90 проценты газға тоташтырылған. Быға тиклем «зәңгәр яғыулыҡ» төбәгебеҙҙең көньяҡ зонаһына ғына һуҙылғайны, бөгөн иһә районыбыҙҙың төньяҡ өлөшөнә лә килеп етеп бара. Әле Мансур, Ильинка, Сәфәр һәм Илсе ауыл-дарында газ селтәрҙәре һуҙыла. Ғөмүмән, киләсәктә «зәңгәр яғыулыҡ»ты Ҡорамаға тиклем алып барып еткерергә уйлайҙар.«Газпром газораспределение Уфа» йәмғиәтенең Учалылағы филиалы хеҙмәткәрҙәре төбәгебеҙҙе газға тоташтырыу өсөн хәленән килгәндең барыһын да эшләргә тырыша. Шулай уҡ башҡарылған эштәрҙе етди контролдә тотоу ҙа уларҙың ҡарамағында.
(№ 91-92)

Луганск - Учалы11.08.2014

Луганск - УчалыРайон хакимиәтендә Украинанан килгән мәжбүри күскенселәр төркөмөн урынлаштырыу буйынса кәңәшмә үтте. 15 граждан, 6-һы балалар - 8, 9, 11, 14 йәшлек малайҙар, 3 йәшлек ҡыҙыҡай, бер бәпес. Бөгөнгә 7 эшкә яраҡлы кү скенсе тау-байыҡтырыу комбинатына һәм тегеү фабрикаһына эшкә урынлашҡан.

Балаларҙы мәктәптәргә беркетеү ҙә хәл ителгән. Өҫтәрендә ни бар, шуның менән генә килгәндәр - һуғыштан ҡасҡанда донúя малы ҡайғыһы ҡалмай инде ул. Хәйер, урындағы властарҙың хәстәрлеге менән көнкү реш мәсьәләләре хәл ителә бара. Шул иҫәптән, урындағы эшҡыуарҙар ярҙам ҡулы һуҙа.
Иң ҙур проблема - торлаҡ. Әле ваҡытлыса тороу пункты тип билдәләнгән ҡаланың бер дөйөм ятағында йәшәйҙәр. Закон буйынса бындай пунктта тотоу ваҡыты 1 айҙан аша алмай, 26 августан да ҡалмай ҡайҙалыр кү сергә тейештәр. Шуға ла фатир йә йорт яллаясаҡтар. Урындағы шарттар менән таныш булмағас, уларға был тәңгәлдә кәңәш ярҙамы кү рһәтеләсәк. Учалы һәм урындағы халыҡты оҡшатҡандар, даими йәшәргә ҡалырға йыйыналар, ти. өмү мән, эшләгәндәр - эш хаҡы, ололар пенсия ала башлағанға тиклем ярҙамға мохтаждар. «Тар кү ңелле булмайыҡ, ү ҙебеҙгә бер ваҡытта ла бындай хәлгә ҡалырға тура килмәһен!» - тип һыҙыҡ өҫтөнә алды кәңәшмәне алып барған район хакимиәте башлығы урынбаҫары Зөһрә Гордиенко. Сентябрҙә йәнә 40 кешелек мәжбү ри кү скенселәр төркөмөнөң килеү е көтөлә. Уларҙы ваҡытлыса тотоу пункты итеп БДУ вәкиллеге бинаһы билдәләнде. Әлеге мәлдә әҙерлек эштәре бара. Һуңынан даими рәү ештә ҡайҙа йәшәйәсәктәр һәм эшләйәсәктәр - был мәсьәләнең төрлө варианттары өйрәнелә.
(№ 91-92)


Материал ебәрергә

Рубрикалар


Яңылыҡтар архивы




Номерҙар архивы

Яңылыҡтар календары

«    Август 2014    »
ДшШшШршКйЙмШбЙкш
 123
45678910
11121314151617
18192021222324
25262728293031

Популяр яңылыҡтар


Агроном -  ул ер  табибыАгроном - ул ер табибы
«Кем дә кем, бер башаҡ үҫкән ерҙә тағы берҙе...

Нисек йәшәйһең, өкө?Нисек йәшәйһең, өкө?
Ҡыҙыҡ, әгәр ҙә төнгө һунарсы Өкө әфәндегә, йә,...

Намыҫ менән эшләйҙәр һәм йәшәйҙәрНамыҫ менән эшләйҙәр һәм йәшәйҙәр
Байрамғолдар ашлыҡ һуғыу, һөт һауыу буйынса элек...

Бер нөктә - УчалылаБер нөктә - Учалыла
Рус география йәмғиәтенең Башҡортостан ...

ФотофактФотофакт
Сираттағы «Аҙна һайын приз» лотерея уйынында...


Бөтә хоҡуҡтар ҙа яҡланған. Мәҡәләләрҙе күсереп баҫҡанда һәм уларҙы өлөшләтә файҙаланғанда «Яйык» («Яик»)
гәзитенә һылтанма яһау мотлаҡ. Интернет сайттарында тура актив гиперһылтанма ҡуйырға.