» Материалы за Март 2016 года

Ҡара ҡашлы, ҡара күҙле...29.03.2016

 Ҡара ҡашлы, ҡара күҙле... Рәнис Алтынбаевтың ошо йыры филармонияның алыштырғыһыҙ алып барыусыһы, сихри тауышлы Раушания Мәхмүтоваға арнап сығарылғандыр, валлаһи. Ул буй-һыны, аҡылы, телмәре тиһеңме, һәр яҡлап та килгән. Өҫтәүенә, башҡорт телен, уның мәҙәниәтен, тарихын да һыу кеүек эсә. Дөрөҫөн әйткәндә, филармонияны Раушанияһыҙ, ә Раушанияны филармонияһыҙ күҙ алдына килтереүе лә ҡыйын. 15 йыл элек тәүге хеҙмәт юлын ошо сәхнәлә башлаған ҡыҙ бар булмышы менән ошонда береккән.
Раушания Әғзәм ҡыҙы - Бөрйән һылыуы. Ғаиләлә дүрт ҡыҙ һәм бер малай үҫәләр. Дүртенсе булып донъяға килгән Раушанияны атаһы яратып «Кинйәбикәм», тип йөрөтә. Бала саҡтан сәнғәткә, йыр-моңға ғашиҡ булып үҫә, мәктәптәге, клубтағы бер сара ла унһыҙ үтмәй. Илһам сығанағын ғәзиз кешеләренән - ата-әсәһенән ала. Йор һүҙле Әғзәм ағай бер ваҡытта ла гармунын ҡулынан төшөрмәй, әсәһе Бибинур Йомағужа ҡыҙының тирә-яҡта оҫта ҡуллы тигән даны тарала. Ул бәйләм бәйләһенме, аш-һыу бешерһенме - уға тиңдәр табылмай.
(№ 24)

Был донъяла Ниҙәр бар29.03.2016

Рәсәйҙә йәшәйеш минимумынан да аҙыраҡ килемгә көн күреүселәр 2014 йылда 16,1 миллион булһа, 2015 йылда 19,2 миллионға еткәндәр. Ҡурҡыныс һан инде, кемдер майына сыҙаша алмай интегә, шул уҡ ваҡытта халыҡтың 13,4 проценты аҡса еткерә алмай яфалана. Иң ярлы 10 процент рәсәйлеләрҙең килеме 10 процент байҙарҙыҡынан 16,8 тапҡыр кәм (1990 йылда 4,5 тапҡыр булған). ООН классификацияһы буйынса бындай айырма социаль тотороҡлолоҡ өсөн хәүефле, артта ҡалған илдәргә генә хас. «Эш биреүселәр менән етди һөйләшеүҙәр үткәрергә тура киләсәк, юғиһә, халыҡтың һатып алыу һәләте лә, сауҙа күләме лә ҡырҡа кәмей», - тип билдәләй РФ вице-премьеры Ольга Голодец.
...дәүләт фәҡәт үҙе лә эш биреүсе, яллағандарҙы эш хаҡы менән артыҡ иркәләмәүе тураһында иҫкә төшөрөүе лә уңайһыҙыраҡ һымаҡ.
(№ 24)

Ҡартаямы һуң йөрәк!29.03.2016

Ҡартаямы һуң йөрәк!Бала саҡта барыбыҙ ҙа теремек, йәштәр араһында ла спорт менән шөғөлләнеүселәр бихисап. Ә бына аҡһаҡал йәшенә еткәндә актив тормош алып барыу өсөн тән генә түгел, ҡаҡшамаҫ рух көсө лә кәрәктер.
Үткән йома вете-рандарыбыҙ 8 фев-ралдән 21 мартҡа тиклем дауам иткән традицион спорт турнирына йомғаҡ яһаны. Район ветерандар советы рәйесе Марат Биктимеров танта-налы рәүештә миҙал-дар, грамоталар, бер аҙ аҡсалата пре-миялар тапшырҙы. Ҡатнашыусыларҙың байтаҡ булыуына, чем-пиондарҙың яңырып тороуына ҡәнәғәтлек белдерҙе.
(№ 24)

Булмышынан - ҡөҙрәт, йөҙөнән нур бөркөлә29.03.2016

Булмышынан - ҡөҙрәт,  йөҙөнән  нур бөркөләТөбәгебеҙ таланттарға, арҙаҡлы шәхестәргә бай. Күренекле, һоҡланырлыҡ яҡташтарыбыҙ бихисап. Улар араһында яҙыусылар, шағирҙар, йырсылар, төрлө кимәлдәге етәкселәр бар. Бөгөн һүҙем ошондай кешеләрҙең береһе - яҡташыбыҙ, БР Милли әҙәбиәт музейы директоры, Башҡортостандың атҡаҙанған мәҙәниәт хеҙмәткәре Гөлдәр Сабит ҡыҙы Моратова тураһында.
Уға ҡарап һоҡланмаған кеше юҡ. Биргәс, бирә Хоҙай кешегә - ул төҫ-баш, буй-һын тиһеңме, һәр саҡ зауыҡлы кейенгән, ҡупшы ханым сәхнә йәки трибунаға сыҡһа, уның аҡыллы, яғымлы итеп һөйләүенә ғорурланып ҡарап ултыраһың - беҙҙә башҡаларға өлгө итеп ҡуйырлыҡ гүзәл ҡатындар бар әле. Талантлы, көслө рухлы, бәхетле, тормошҡа ғашиҡ кеше ул Гөлдәр Моратова.
(№ 23)

Тынғы белмәҫ Айгөл29.03.2016

Тынғы белмәҫ Айгөл2007 йылдан Рәсәйҙә 25 март мәҙәниәт өлкәһе хеҙмәткәрҙәренең һөнәри байрамы булараҡ билдәләнә. Был өлкәлә эшләүселәрҙең хеҙмәте күҙгә күренмәй, әммә икмәктән ҡала рухи ризыҡһыҙ ҙа әҙәм заты тора алмай бит. Комсомольск мәҙәниәт йорто директоры Айгөл Сәғитова кешеләргә моң, дәрт өләшеүселәрҙең береһе.
Иҫке Байрамғол ауылы ҡыҙы бала саҡтан гармун тауышын ишетеп, уға ғашиҡ булып үҫә. Атаһы, ағалары гармунда уйнағас, Айгөл Мәхмүт ҡыҙы ла үҙ аллы был музыка ҡоралын өйрәнә башлай.
(№ 23)

Шайтан ҡотҡоһо22.03.2016

         Шайтан ҡотҡоһо«Вәкил үлгән... Һөйәр-кәһенең өйөндә...» Шомло хәбәр һә тигәнсе йәшен тиҙлегендәй таралып өлгөрҙө. Урамда, магазинда булһынмы, хатта табын артында ла ошо турала һүҙ барҙы. Халыҡтың иҫе китте, тел шартлаттылар, бот саптылар. Ысынмы-бушмы - шуны белә алмай ҡаңғырҙылар. Кемдең-кемдең, ә Вәкилдең һөйәркәһе булғанына ышанырға теләмәнеләр. Бер аяғы ерҙә, бер аяғы гүрҙә, тигәндәй. Былтыр алтмышын тултырҙы. Етмәһә, ауыҙынан бер һүҙ тартып алырлыҡ түгел ине, һыу уртлағандай һәр ваҡыт турһайып йөрөнө, йылмайғанын да күрмәҫһең. Бына һиңә Вәкил, вәт һиңә шымбай! «Әллә, һөйәркәһе үлтерҙеме икән, әллә көтмәгәндә тегеһенең ире ҡайтып инеп үлтереш сығарғанмы?»
Сер йомғағы бер нисек тә сиселергә теләмәне. Батырыраҡтары улар йәшәгән йорт ихатаһына барып аңдып ҡараны, әммә ингән-сыҡҡан ке-ше күренмәне. Күрше-ләренән һорағастары, тегеләре лә артыҡ һүҙгә бирелмәй, эйе, үлгән, тип баш һелкеүҙән ар-тығын әйтмәнеләр, туҡ-тап та тормай, тиҙерәк китергә ашыҡтылар. Бер хәбәрҙе лә ҡолаҡтарынан ситләтмәй, йөҙ иләктән үткәреп, сәйнәп, талап ләззәт алырға яратҡан бәғзе берәүҙәргә етә ҡалды. Төпсөнә торғас, сер йомғағын сисә биреп ҡуйҙылар. Вәкилдең һәр ваҡыт һуҡмыш йөрөргә яратҡан ике туған ағаһы шешәләш дуҫтарына әйтеп ысҡындырған. Хатта күҙ йәштәренә быуылып илаған. «Алмалай киленебеҙҙең өҫтөнән көлөп йөрөгән, тамуҡта янһын ҡарт иблес. Ерләшергә ике аяғымдың береһен баҫмайым», - тип зәһәрләнеп өҫтәл һуҡҡан, тиҙәр.
         Шайтан ҡотҡоһо
(№ 22)

Был донúяла нè´ºр бар?22.03.2016

Был донúяла  нè´ºр бар?
Ошо арала тамамланған Сириялағы Рәсәйҙең хәрби операцияһы 33 миллиард һумға төштө, тип яҡынса билдәләне РФ Президенты В.В.Путин. Тик илебеҙ был суммаға ярлыланды тип ҡарау хата булыр. Аҡса көйөнсә түгел бит: ҡулланыу ваҡыттары сыға барған ракета-бомбаларҙы барыбер үтилләштерергә кәрәк булыр ине, ғәскәрҙәргә күнекмәләр үткәреү өсөн былай ҙа яғыулыҡ һәм башҡа кәрәк-яраҡ бүленә. «Ҡоралыбыҙ полигондарҙа түгел, ысын алыштарҙа һынауҙы лайыҡлы үтте», - тип билдәләй ил башлығы. Ә сәйәси файҙа, террорсылыҡ ҡурҡынысын кәметеү тураһында әйтеп тораһы ла кәрәкмәйҙер.
(№ 22)

Алтын ҡуллы оҫта22.03.2016

Алтын ҡуллы оҫтаӨләсәйем йортонда мөйөштә ултырған, өҫтөнә бер-нисә ҡат япма түшәлгән тимер һандыҡ менән бәйле яҡты хәтирәләр иҫтә ҡалған. Әллә өлкәндәрҙең уның эсен аҡтарыуҙан даими тыйып тороуҙары һөҙөмтәһендә, әллә ысынлап та был ҡумта ниндәйҙер сихри көскә эйә булды - һәр ваҡыт үҙенә ылыҡтыра торғайны. Эйе, борон һәр йортта тиерлек һандыҡ ултырған. Башлыса, ҡыҙ кейәүгә сыҡҡанда артынан бирнә тултырылған һандыҡтың эйәреп килеүе мотлаҡ булған. Һуңғы йылдарҙа йоланы күҙәтеүселәр ҙә, һандыҡ эшләүселәр ҙә һирәк осрай. Айнур Ғиззәтуллин был шөғөл менән мауығыусы оҫталарҙың береһе.
Мәҡәлә геройыбыҙ Учалы ауылы кешеһе. Тау сәнәғәте колледжында белем алып, тау мастеры һөнәрен үҙләштерә. Әрме хеҙмәтен тултырып ҡайтҡас «Чебачье» руднигында («Александринск тау-мәғдән компанияһы») ПДМ (ташыу-тейәү машинаһы) водителе булып эш башлай һәм әлеге көнгә тиклем шунда хеҙмәт итә.
(№ 22)

Гөлдәр ханбикәһе18.03.2016

Гөлдәр ханбикәһеИнтернетһыҙ хәҙер көндәлек тормошобоҙҙо күҙ алдына ла килтереүе ҡыйын. Барлыҡ мәғлүмәтте социаль селтәрҙәрҙән алабыҙ, Кем, нимә, ҡайҙа, ҡасан - секунд эсендә эҙләп табырға була. Төрлө ҡыҙыҡлы кешеләр менән танышаһың. Мин дә күптән түгел, «Бәйләнештә» социаль селтәрендә Юлиә исемле ҡыҙҙың шәхси төркөмөнә тап булдым. Ул бүлмә гөлдәр үҫтерергә ярата икән. Фотоһүрәттәрен ҡараһаң, үҙеңде сәскәләр донъяһына килеп ингәндәй хис итәһең. Гөлдәр ханбикәһе менән яҡындан танышырға насип булды.

(№ 21)

Һөнәренә тоғролар16.03.2016

Һөнәренә тоғроларТорлаҡ-коммуналь хужалығы хеҙмәтсәндәре өсөн йылдың һәр миҙгеле тынғыһыҙ. Күп фатирлы йорттарҙы, социаль учреждениеларҙы өҙөклөкһөҙ йылылыҡ, һыу менән тәьмин итеү, һауа торошона ҡарамайынса урамдарыбыҙҙы таҙалыҡта тотоу өсөн ал-ял белмәй тырышырға тура килә үҙҙәренә. Зәңгәр экрандан ҡышҡы селләлә илдең төрлө мөйөштәрендә ҡала-ултыраҡтарҙа халыҡ йәшәгән йорттарҙың йылыһыҙ, һыуһыҙ ҡалыуҙарын йыш күрһәтәләр. Хәйер, был йәһәттән зарланырға урын юҡ. Йылдың-йылы ҡышты имен үткәрәбеҙ. Барлыҡ торлаҡ-эксплуатация идаралыҡтары ла эштәренә яуаплы ҡарай, һөнәри байрамдарын яҡшы ҡаҙаныштар менән ҡаршылай.
(№ 20)


Материал ебәрергә

Рубрикалар


Яңылыҡтар архивы




Номерҙар архивы

Яңылыҡтар календары

«    Март 2016    »
ДшШшШршКйЙмШбЙкш
 123456
78910111213
14151617181920
21222324252627
28293031 

Популяр яңылыҡтар


Агроном -  ул ер  табибыАгроном - ул ер табибы
«Кем дә кем, бер башаҡ үҫкән ерҙә тағы берҙе...

Нисек йәшәйһең, өкө?Нисек йәшәйһең, өкө?
Ҡыҙыҡ, әгәр ҙә төнгө һунарсы Өкө әфәндегә, йә,...

Намыҫ менән эшләйҙәр һәм йәшәйҙәрНамыҫ менән эшләйҙәр һәм йәшәйҙәр
Байрамғолдар ашлыҡ һуғыу, һөт һауыу буйынса элек...

Бер нөктә - УчалылаБер нөктә - Учалыла
Рус география йәмғиәтенең Башҡортостан ...

ФотофактФотофакт
Сираттағы «Аҙна һайын приз» лотерея уйынында...


Бөтә хоҡуҡтар ҙа яҡланған. Мәҡәләләрҙе күсереп баҫҡанда һәм уларҙы өлөшләтә файҙаланғанда «Яйык» («Яик»)
гәзитенә һылтанма яһау мотлаҡ. Интернет сайттарында тура актив гиперһылтанма ҡуйырға.