» Последние публикации на сайте

Ауылым тормошон йәмләй уларКисә, 09:31

Ураҙ китапханаһы һәм мәҙәниәт йортонда үткәрелгән саралар гөрләп тора.
Китапхана мөдире Нәркизә Шәйәхмәтова - байрамдарҙы ойоштороусы ғына түгел, шулай уҡ йырсы, «Оҫта ҡулдар» бәйләм түңәрәге етәксеһе лә. Һәр кисәлә әүҙем ҡатнашыусы ошо түңәрәк ағзалары - ауылыбыҙҙың ҡотон, рухын һаҡлаусылар, милләтебеҙгә битараф булмаусы ҡатын-ҡыҙҙарыбыҙ. Бәйләм түңәрәгенә йөрөүсе ҡатын-ҡыҙҙарыбыҙ өсөн шулай уҡ йәш быуынды тәрбиәләү, ололарҙы хөрмәтләү, ғөмүмән, донъя ҡотон һаҡлау - йәшәү рәүеше ул. Кәрәк икән, тәнҡитләп, вайымһыҙҙарҙы тормош асылына ҡайтарырға ла ярҙам итерҙәр.
Донъяларын да күркәм итеп көткән, репетицияларға ла йөрөргә ваҡыт тапҡан иҫ киткес егәрле һәм мәрхәмәтле ҡатын-ҡыҙҙарыбыҙ мәҙәни сараларҙа ла иң әүҙемдәре.
Ошоға дәлил булып күптән түгел Ынйы һәм Риф Шәриповтар тарафынан тергеҙелгән «Ураҡсы ҡыҙ» фольклор ансамбле тора.
Октябрь башында «Һуң түгелдер...» исемле кисәне Нәркизә Шәйәхмәтова ауыл хакимиәтендә, китапханала, почтала һәм мәҙәниәт йортонда эшләп хаҡлы ялға сыҡҡан ололарға арнап үткәрҙе. Күңелдәре күтәрелеп, күҙҙәре осҡонланып, дәртләнеп киткән ағай-апайҙарға ҡарап йәштәр ҙә үҙҙәренә сәм, ҡот, нур алғандай булдылар.
(№ 92)

Ҡурай яһау оҫтаһыКисә, 09:27

Ҡурай яһау оҫтаһыҠурай - халҡыбыҙҙың тарихы, асылы, йыры, моңо, йәне. Уның моңон сәғәттәр буйы тыңларға әҙермен. Шуға ла Уральск ҡасабаһында милли уйын ҡоралын эшләгән кеше йәшәгәнен ишеткәс, шундуҡ үҙе менән осрашырға ашыҡтыҡ. Башҡорт рухлы уҙаман бик кәрәкле кәсепкә тотонған.
Оҫтаны урта йәштәрҙәге, олпат ир-уҙамандыр, тип күҙ алдына килтергәйнем, яңылышҡанмын, ҡапҡаны беҙгә йәш егет асты. Башҡорт рухлы уҙаман бик кәрәкле кәсепкә тотонған.
Дим Рәфҡәт улы Мөжәүиров Уральскийҙан. Ҡурайҙа уйнарға бәләкәйҙән өйрәнә. Заманында Рәйес Низаметдиновтан ҡурай дәрестәре ала. 2000 йылда Өфө сәнғәт училищеһының, башҡорт музыка ҡоралдары бүлегенә уҡырға инә, артабан сәнғәт академияһында белемен камиллаштыра. Буш ваҡытында Башҡорт дәүләт педагогия университетында, педагогия колледжында, ҡаланың 20-се мәктәп-гимназияһында ҡурай дәрестәренән уҡыта.
Һуңынан тыуған ауылына ҡайта, үҙҙәренең «Ирәмәл» ижады үҙәгендә эш башлай, ете йыл балаларға ҡурай серҙәрен өйрәтә. Балаларға шөғөлләнергә ҡурай етешмәүе уны милли уйын ҡоралын яһарға тотонорға мәжбүр итә лә инде. Бер кем дә өйрәтмәй, үҙ белдеге менән эшләй, сөнки күпме генә үтенһә лә, оҫталарҙың серҙәре менән бүлешәһе килмәй. Сәмле егет ярты юлда туҡтап ҡала торғандарҙан түгел, йыл ярым ваҡыт эсендә инструментты яһау нескәлектәрен тулыһынса өйрәнә.
(№ 92)

Ахунда - яңыртылған спорт залыКисә, 09:19

Ахунда - яңыртылған спорт залыАхун ауылында ремонттан һуң спорт залы файҙаланыуға тапшырылды.
Был көндө мәҙәниәт йорто бинаһында урын-лашҡан спорт залы бала-саға, өлкәндәр менән тулған ине, тантаналы асыу уңайынан бында бәләкәй йәштәге балалар араһында мини-футбол буйынса турнир ойошторолдо, бихисап спортсы ҡатнашты.
Ремонт эштәре Учалы тау-байыҡтырыу комбинаты ярҙамы менән атҡарылған, йәмғиәт был маҡсаттан 1 миллион һумдан ашыу аҡса бүлгән.
- Бина элекке колхоз заманында 1985 йылдарҙа төҙөлгән, ошо ваҡыттан алып яҡшы ремонт күргәне булманы. Иҙәндәрен алмаштырҙыҡ, стеналары буялды, аҡ-ланды. Ике йыл элек «Берҙәм Рәсәй»ҙең «Реаль эштәр» проектын тормошҡа ашырыу маҡсатында түбәһен алмаштырғайныҡ.
Киләсәктә бинала тулыһынса реконструкция үткәреү күҙаллана. Әйткәндәй, тау-байыҡтырыу комбинатының даими ярҙам күрһәтеүенә сикһеҙ рәхмәтлебеҙ. Йәмғиәттең профком рәйесе, депутатыбыҙ Амур Зәйнуллин бер ваҡытта ла һорауыбыҙҙы кире ҡаҡмай, проблемала-рыбыҙҙы хәл итергә тырыша. Киләсәктә комбинат ярҙамы менән Ҡыйҙыш ауылы клубының тәҙрәләрен алмаштырырға, бинаның эсен төҙөкләндерергә ниәтләйбеҙ, - тине ауыл хакимиәте башлығы Әмир Харисов.
(№ 92)

ФотофактКисә, 09:13

ФотофактСираттағы «Аҙна һайын приз» лотерея уйынында бәхет Шәһиҙә һәм Әмир Әминевтар ғаиләһенә йылмайҙы. Уларға бүләккә графин һәм стакандар йыйылмаһы эләкте.
Әминевтар Бурансы ҡасабаһында йәшәйҙәр. Ғаилә башлығы ғүмер буйы прокурор, тәфтишсе булып эшләгән. Оҙаҡ йылдар Учалы районы һәм ҡалаһының халыҡ контроле комитеты рәйесе вазифаһын башҡарған. Шәһиҙә Хөрмәт ҡыҙы бухгалтер булып хеҙмәт иткән. Өс ул тәрбиәләп үҫтергәндәр.
(№ 92)

«Зәңгәр ҡош»та сығыш яһаныКисә, 09:11

«Зәңгәр ҡош»та сығыш яһаныЯҡташыбыҙ, «оркестр ҡыҙыҡай» исеме алған Яңы Байрамғол ауылы һылыуы Ләйсән Золотарева Мәскәүҙә «Зәңгәр ҡош» Бөтә Рәсәй конкурсында сығыш яһаны.
Ләйсән жюри ағзаларын үҙенең ғәҙәти булмаған тауышы һәм бер юлы бер нисә музыка ҡоралында уйнау һәләте менән таң ҡалдыра.
Яҡташыбыҙ «Башҡортостан» дәүләт телерадио-компанияһы ойошторған «Ал сәскә» телевизион конкурсында ҡатнашып ҙур билдәлелек яулай, быйыл көҙ иһә «Таланттар ере» бөтә Рәсәй конкурсында еңде.
Уның ҡатнашлығында «Зәңгәр ҡош» тапшырыуын 19 ноябрҙә 18.00 сәғәттә «Россия 1» каналында ҡарап буласаҡ.
(№ 92)

Мөстәҡиллеккә - бер быуат!Кисә, 09:04

Мөстәҡиллеккә - бер быуат!Башҡорт Автономиялы Совет Социалистик Республикаһы 1919 йылдың 20 мартында «Үҙәк Совет власы менән Башҡорт хөкүмәте араһында Башҡорт совет автономияһы тураһында килешеү» нигеҙендә барлыҡҡа килә. Был датаға ҙур әһәмиәт бирелә, хатта РФ Президенты В.В. Путин 2019 йыл Башҡортостан Республикаһының 100 йыллыҡ юбилейын үткәреү тураһында Указға ҡул ҡуйҙы.
Бик хуп, тик тап ошо көндәрҙә был байрамға нигеҙ һалған оло ваҡиғаларға йөҙ йыл тулыу тураһында ла онотмайыҡ.
Ҡыҫҡаса ғына әйткәндә, 1917 йылдың Февраль революцияһынан һуң башҡорттар йәшәгән төбәктәрҙә милли-территориаль автономия ҡороуҙы юллаған хәрәкәт көсәйә. Ырымбурҙа I һәм II Бөтә Башҡорт Ҡоролтайы уҙа; был йыйындарҙа федератив Рәсәй составында «милли-территориаль рәүештә демократик республика» төҙөү зарур, тип ҡарар ҡабул ителә. Ҡоролтайҙа Башҡорт Үҙәк Шураһы һайлана.  
(№ 92)

Йыр - ул үлемһеҙ тарих15.11.2017

Учалы район китапханаһы район мәҙәниәт йорто менән берлектә «Башҡорт музыкаһы - бөйөк сәнғәт» исемле мәҙәни сара үткәрҙе.
Башҡорт йыры, башҡорт моңо… Ул башҡа һис бер нәмә менән тиңе булмаған айырым бер күренеш. Унда ысынында яҡты нур, саф мөхәббәт балҡышы. Башҡорт үҙенең бар булмышын йөрәк түренән урғылып сыҡҡан моңға һалған һәм был моң, әйтерһең, йәйғор булып балҡып, барыр юлдарын быуаттарҙан-быуаттарға ол-ғаштырып тора.
Беҙҙең маҡсат башҡорт халҡының йыр-моңдарының тарихын халыҡҡа еткереү, йәш быуынға аңлатыу, йырҙар нисек яҙылыуын, ҡайҙан алып композиторҙар уны ижад итеүен һәм тарихын һөйләп китеү ине.
(№ 91)

Һыйлы көнөң - һыйырҙа15.11.2017

Һыйлы көнөң - һыйырҙа«Һыйлы көнөң һыйырҙа», - тип юҡҡа ғына әйтмәйҙәр бит халҡыбыҙҙа. Бөгөн ауылда йәшәүсе егәрле кешеләр күпләп һыйыр аҫрай. «Ағы барҙың туғы бар», тигәнде лә иҫкә төшөрәйек - егәрле хужабикәләр көн һайын һөттән төрлө-төрлө ризыҡ әҙерләп, ғаиләләрен һыйлай.Үҙҙәренән артҡанды ҡала баҙарына килтереп һатырға ла өлгөрәләр, ярайһы уҡ табыш алалар.
Ҡаланың Ленин майҙанындағы элекке «Ағиҙел» магазины ҡаршыһында бихисап һөт ризыҡтарын һатыусыларҙы күрергә була.
Бына был юлы ла ағас йәшниктәр өҫтөнә ауыл ниғмәттәре ҡуйылған, беҙ килгәндә ҡыҙыу һатыу эше бара ине. Һатып алыусылар ҙа байтаҡ күренә. Кемдер ҡорот һорай, кемдер эремсек тәмләп ҡарай, кемгәлер ауыл ҡаймағы кәрәк.
Олораҡ йәштәрҙәге апай менән һөйләшеп киттек. Ул күрше ауылдан килгән икән.
- Хаҡлы ялдамын, әммә ҡиммәтселек заманында бәләкәй генә пенсияға йән аҫрап буламы һуң?! Студент ҡыҙ үҫтерәм, улым мәктәптә уҡып йөрөй. Балаларҙы уҡытырға, кейендерергә кәрәк. Ауылда мал тотмай йәшәүҙе күҙ алдына ла килтерә алмайбыҙ. «Эшләгән - тешләгән», - тип боронғолар дөрөҫ әйткән. Һөт ризыҡтары һатыуҙан килгән аҡса иш янына ҡуш - ғаилә бюджетында берәй «тишек»те ямарға етә. Хәҙер халыҡ хәләл ризыҡтар менән туҡланыуҙың мөһимлеген аңлай башланы, ауыл продукцияһына һорау ҙур, - тип бәйән итте ул.
(№ 91)

Был донъяла ниҙәр бар?15.11.2017

Был донъяла ниҙәр бар?Америка Советтар Союзынан шул тиклем ныҡ ҡурҡҡан булған икән. Илебеҙҙе тарҡатыуҙарына 26 йыл үтте, ә һаман тыныс-лана алмайҙар. 7 ноябрҙе «Коммунизм ҡорбандарының милли көнө» тип билдәләйҙәр. Был тапҡырҙа ла АҠШ президенты хакимиәте: «...коммунистик режимдар 100 миллиондан ашыу кешене үлтерҙе. Коммунизм философияһы азатлыҡ, үҫеш һәм кеше ғүмере хаҡы менән бергә һыйыша алмаҫлыҡ төшөнсәләр», - тип рәсми белдереү яһаны.
Бур барыһына ҡарағанда ла: «Бурҙы тотоғоҙ!» - тип нығыраҡ ҡысҡыра инде ул. Фәҡәт үҙҙәре Американың ерле халҡына геноцид ойоштороуҙары, донъяла беренсе булып тыныс халыҡҡа ҡаршы атом ҡоралы ҡулланыуҙары, планетаның бар тарафтарында яңынан-яңы һуғыш янғындары тоҡандырыуҙары онотолған тиерһең... Әйткәндәй, «үҫеште тотҡарлау» тәңгәлендә лә бәхәс ҡорорлоҡ - Американың финанс системаһы бар донъяны көрсөк бат-ҡылына тарта, шул уҡ ваҡытта социализм тәғлимәтенә тоғро ҡалған Ҡытай алға бик етеҙ елә.


Берәй документ тултырғанда «енес» графаһына «ир-ат» йә «ҡатын-ҡыҙ» тип күрһәтәбеҙ. Бик ябай эш. Ә Германияла Конституция суды (!) айырым ултырыш үткәреп, махсус ҡарар сығарҙы - берәй кеше ошо һорауға яуап бирергә теләмәй икән, графаны буш ҡалдырырға хоҡуҡлы. Юғиһә, үҙҙәренең ниндәй енес икәнлектәрен айыра алмағандар күбәйә бара, ти. Башҡортса әйткәндә «ҡыҙ тәкәләр» инде, беҙ бала саҡта ҡыҙҙарса ҡыланған малайҙарҙы тап шулай үсекләй торғайныҡ.
(№ 91)

Был беҙҙең тарих!15.11.2017

Был беҙҙең тарих!- 100 йыл элек донъя һәм илебеҙҙе тетрәткән ваҡиғаларҙы һәр кем төрлөсә баһалайҙыр. Әммә шуныһы бәхәсһеҙ - тап революциянан һуң илебеҙ бар йүнәлештәрҙә лә алға ынтыла, байтаҡ ҡаҙаныштарыбыҙ донъя кимәлендә лә беренсе ине.
Нисек кенә булмаһын - был беҙҙең тарих, ә үҙ тарихын һәр кем ихтирам итергә бурыслы. Хәҙер инде 26 йыл Октябрь револю-цияһына бағышланған демонстрациялар үткәрелмәй, ләкин барыбер был көндә күңел елкенә! Беҙҙең дә бала саҡ Советтар Союзында үтте бит, - тип телмәр тотто социалистик революцияның 100 йыллығына бағышланған митингыла район хакимиәте башлығының социаль сәйәсәт буйынса урынбаҫары Зөһрә Гордиенко.
Ә үҙәк ҡала майҙанына халыҡ байтаҡ йыйылғайны. Хаҡлы ялға сығып, олоғайып, хәҙер кеше араһында бигүк күренеп бармаған иптәштәрҙең дә мөһим датаға хөрмәт күрһәтеп митингыға килеүҙәре иғтибарҙы йәлеп итте. Афариндан башҡа баһа юҡ.
(№ 91)


Материал ебәрергә

Рубрикалар


Яңылыҡтар архивы




Номерҙар архивы

Яңылыҡтар календары

«    Ноябрь 2017    »
ДшШшШршКйЙмШбЙкш
 12345
6789101112
13141516171819
20212223242526
27282930 

Популяр яңылыҡтар


Агроном -  ул ер  табибыАгроном - ул ер табибы
«Кем дә кем, бер башаҡ үҫкән ерҙә тағы берҙе...

Нисек йәшәйһең, өкө?Нисек йәшәйһең, өкө?
Ҡыҙыҡ, әгәр ҙә төнгө һунарсы Өкө әфәндегә, йә,...

Намыҫ менән эшләйҙәр һәм йәшәйҙәрНамыҫ менән эшләйҙәр һәм йәшәйҙәр
Байрамғолдар ашлыҡ һуғыу, һөт һауыу буйынса элек...

Бер нөктә - УчалылаБер нөктә - Учалыла
Рус география йәмғиәтенең Башҡортостан ...

ФотофактФотофакт
Сираттағы «Аҙна һайын приз» лотерея уйынында...


Бөтә хоҡуҡтар ҙа яҡланған. Мәҡәләләрҙе күсереп баҫҡанда һәм уларҙы өлөшләтә файҙаланғанда «Яйык» («Яик»)
гәзитенә һылтанма яһау мотлаҡ. Интернет сайттарында тура актив гиперһылтанма ҡуйырға.