Ҡабатланмаҫ бер ижад мәле16.02.2018

Ҡабатланмаҫ бер ижад мәлеНаталья Савельеваны гәзит уҡыусыларыбыҙ яҡшы иҫләйҙер, моғайын. Һынлы сәнғәт өлкәһе кешеләренә акварель, гуашь, баҫма графика техникаһында яҙыусы график-рәссам булараҡ таныш.
Уның 2015 йылда тарихты һәм крайҙы өйрәнеү музейында ойошторолған картиналар күргәҙмәһе хаҡында яҙып сыҡҡайныҡ. Бигерәк тә «Яйыҡ» гәзите менән төшөрөлгән һүрәте йәлеп иткәйне. Наталья «Июнь натюрморты» композицияһына яҡындары яратып уҡыған район баҫмаһын индергәйне.
Билдәле рәссамдарҙың гәзитебеҙгә битараф булмауын күреп, сикһеҙ шатланғайныҡ ул саҡ.
Ошо араларҙа Наталья Савельеваның сираттағы күргәҙмәһен ҡарарға форсат тейҙе. Был юлы ул ижад һөйөүселәргә 2015 йылдың йәйенең ике аҙнаһы эсендә «монотипия» рәүешендә эшләнгән эштәрен тәҡдим итте. Рәссам төрлө предметтарҙы, гөл-сәскәләрҙе ҡулланып, ябай, шул уҡ ваҡытта сағыу, йәнле картиналар тыуҙырған. Ғәжәпләнерлек!
(№ 13)

Теркәү өсөн ярҙам талап ителә09.02.2018

Теркәү өсөн ярҙам талап ителәЕр йөҙөндә бөтә мәсеттәр Аллаһү Сүбхәнә Тәғәләнең ҡөҙрәте менән һалына. Элек-электән олатайҙарыбыҙ ғибәҙәтханаларҙы бар ауыл халҡы менән бергәләп күтәргән.
Хәленән килгән һәр кеше ҡатнашҡан: ҡайһы бере - аҡса, ә кемдер - ҡул көсө менән ярҙам иткән. Ҡырҡ өйгә бер мәсет һалғандар, ауылда өйҙәр ошо һандан ашһа, яңыһын хәстәрләгәндәр.
Беҙҙең халыҡ бик диндар булған, бөтәһе лә мәсеткә йөрөгән. Ир баланың алты-ете йәше тулһа, мәҙрәсәгә алып барғандар, ә ҡыҙҙарҙы абыстайҙар өйҙә уҡытҡан.
Әлеге ваҡытта бөтә ауылдарҙа ла тип әйтерлек мәсет бар. Дини йорт асылмағандары бармаҡ менән генә һанарлыҡ, әлхәмдү лилләһ. Был бик ҡыуаныслы хәл. Әммә халыҡ мәсеткә һүлпән йөрөй. Йома көнө ҡайһы берҙәрендә йома намаҙы түгел, өйлә намаҙы уҡып ҡайталар. Ни өсөн тигәндә, мәсеткә имамдың артынан баҫырлыҡ өс ир заты ла килмәй. Был көндө бөтөн донъя эшен ташлап, ир кеше бер сәғәт ваҡытын мәсеттә үткәрергә тейеш - был Аллаһү Сүбхәнә Тәғәлә алдында үҙен мосолман тип һанаған кешенең мөҡәддәс бурысы. Ә фани донъя өсөн тәүлектең егерме өс сәғәте ҡала.
(№ 11)

Ғаилә йылы эмблемаһы раҫланды09.02.2018

Ғаилә йылы эмблемаһы раҫландыБашҡортостандың Ғаилә, хеҙмәт һәм халыҡты социаль яҡлау министрлығы Ғаилә йылына эмблема эшләүгә конкурс иғлан иткәйне.
Күптән түгел ярышҡа йомғаҡ яһалды. 78 ижади эш араһынан Өфө ҡалаһында йәшәүсе Владислав Әхмәтовтың эмблемаһы иң яҡшыһы тип табылды һәм йыл эмблемаһы тип раҫланды.
Министрлыҡҡа килгән эштәр араһында конкурс положениеһына, ғаиләгә бәйле башҡа талаптарға тура килмәгән 51 эш бөтөнләй ҡаралмай. Ҡалған 27 эмблема ошо көндәрҙә жюри тарафынан тәфсирләп өйрәнелде.
(№ 11)

Хеҙмәттәшлек күпере нығый02.02.2018

Хеҙмәттәшлек күпере нығыйАньхой университетының Рәсәйҙе өйрәнеү үҙәге директоры, Орел дәүләт университетының Почетлы докторы, профессор Ши Хуншэндың байтаҡ ғүмере беҙҙә - Рәсәйҙә үтә.
- Хәҙер инде бишенсе йыл «Волга - Янцзы» проекты ғәмәлгә ашырыла. Был формат Волга буйы федераль округы төбәктәре һәм Ҡытайҙың Янцзы йылғаһының үрге, урта өлөшөндәге провинцияларының үҙ-ара төрлө өлкәлә хеҙмәттәшлек итеүҙәре күҙ уңында тотола.
Башҡортостанға тәүге тапҡыр өс йыл элек хөкүмәт делегацияһы составында килә һәм республикабыҙ күңеленә бик тә хуш килә.
(№ 9)

Еңеүҙә уның да өлөшө бар26.01.2018

Еңеүҙә уның да өлөшө барИлтабан ауылында йәшәүсе Әминә Ханнанова 93 йәшлек ғүмер байрамын кисерә. Әми-нә Хәйретдин ҡыҙы сығышы менән Аҡҡужа ауылынан.
1924 йылдың 7 декабрендә урта хәлле крәҫтиән ғаиләһендә тыуған ул. Ауылда дүрт класс белем алып өлгөрә, ата-әсәһе раскулачивать ителә.
- Атайым арыш сәскән була, көҙ көнө уны урып алалар, икенсе йылдың яҙында ергә ҡойолған арыш орлоҡтары шытып сыға бит. Шуны аш сәскәнһең тип, яла яғып, ауылдан ҡыуырға тигән ҡарар сығаралар. Шул төндө әсәйем менән икәүһе йәйәүләп сығып киттеләр.
Улар киткәндә өйҙә ауыҙға алырлыҡ бер тәғәм ризыҡ та юҡ ине. Аттарыбыҙ, һыйырҙарыбыҙ бар ине - бөтә тартып алдылар. Үҙебеҙ өйҙән сығып китмәҫ үк йорттоң түбәһен ҡутара башланылар. Өләсәй менән күршеләргә сығып торҙоҡ. Һүтеп алып бөткәс, минең нигеҙҙе соҡоп, илап ултырғанымды һуңынан ололар әсенеп һөйләне.
(№ 7)

Йәмәғәтсе - шул уҡ ирекмән ул09.01.2018

Йәмәғәтсе - шул уҡ ирекмән улУчалы ҡалаһында «ТОС: кисә, бөгөн, иртәгә» тип аталған республика форумы үтте. ТОС (территориальное общественное самоуправление) - территориаль йәмәғәт үҙидаралығы.
Ҡунаҡтарҙы сәләмләп, район хакимиәте башлығының 1-се урынбаҫары Руслан Ғиләзетдинов түбәндәге фекерҙәре менән уртаҡлашты:
- Торлаҡ-коммуналь секторҙы нығытыуҙа, биләмәләрҙе төҙөкләндереүҙә, ғөмүмән, йәшәйеш сифатын яҡшыртыуҙа территориаль йәмәғәт үҙидаралығы әһәмиәтле роль уйнай. Учалыла «Булышлыҡ» («Содействие») комитеты хәҙер инде ун алты йыл уңышлы эшләй, уның аша халыҡ һәм урындағы властарҙың хеҙмәттәшлеге яйға һалынды, был йүнәлештә байтаҡ тәжрибә тупланды. Йәмәғәт үҙидарылығы эшендә йәштәр күберәк ҡатнашһын ине, тигән теләктә ҡалам - бик яҡшы үрнәк бирерлек оло быуын вәкилдәре етерлек беҙҙә!
Торлаҡ-коммуналь хужалығы тармағында региональ йәмәғәт контроле үҙәге етәксеһе Анатолий Дубовский, республикала тәүләп бындай форум үткәреү өсөн Учалы осраҡлы рәүештә һайланманы, ҡасан килһәң дә, ҡала матур һәм йыйнаҡ, тип билдәләй. Тимәк, таҙалыҡ властарҙы ғына борсомай, халыҡ та был мәсьәләгә битараф түгел.
(№ 1-2)

Яңы йылға өмөт-ышаныстар бағлайбыҙ29.12.2017

Яңы йылға өмөт-ышаныстар бағлайбыҙҠомаҡ (1924, 1936, 1948, 1960, 1972, 1984, 1996, 2008)
Ундайҙар хаҡында тауҙар ҙа күсерергә һәләтле, тиҙәр. Эштә етәксегеҙҙе юғары сифатлы хеҙмәтегеҙ менән һоҡландырырһғыҙ. Башығыз менән мөхәббәт диңгеҙенә сумырға әҙер булығыҙ. Йыл хуҗаһы Һары Эт һезгә никах балдағы ла әҙерләп ҡуйган.
   
Үгеҙ (1925, 1937, 1949, 1961, 1973, 1985, 1997, 2009)
Үгеҙ йылында тыуыусылар, ғәҙәттә үҙһүҙле, тиҫкәре, бер аҙ дорфараҡ та. Быйыл нәҡ шундай булырға кәрәк тә. Бындай сиффаттар килеп тыуған һынауҙарҙы еңеп сығырға ярҙам итер. Эш урынын алыштырыу буйынса ла тәҡдимдәр буласак. Үҙгәрештәрҙән ҡурҡып ҡалмағыҙ. Үҙегеҙҙе яңы өлкәлә лә һынап ҡарағыҙ. 
(№ 104)

Төклө аяғың менән - Һары Эт, ырыҫлы һәм имен бул!29.12.2017

Төклө аяғың менән - Һары Эт, ырыҫлы һәм имен бул!Эт йылын өйҙә һәм иң яҡын кешеләр менән ҡаршы алырға тәҡдим ителә. Бөтә ғаилә ағзалары йыйылһа, бигерәк тә һәйбәт, шулай уҡ яҡын дуҫтарҙы ла саҡырырға мөмкин. Эт үҙен үтә шаштырып, әҙерләнеп ҡаршылағанды яратмай, байрам тип иҫергәнсе эсеүҙәр, йырлашып ултырыуҙар, шашып бейеүҙәр ҡәтғи тыйыла.

Байрам табынын
биҙәргә

Яңы йыл табынының төп һыйы булып, әлбиттә, иң беренсе сиратта йыл хужаһы яратҡан ит, һөйәк һәм эсәк-ҡарындан әҙерләнгән ризыҡтар тора. Уларҙы матур һауыттарға һалып, табын түренә урынлаштырығыҙ.
Бының менән һеҙ Этте йәһәт кенә ҡулға эйәләштереп, уның ышанысын яуллай алырһығыҙ. Һөҙөмтәһе - йылығыҙ уңышлы булыр.
Биҙәүестәр. Өҫтәлде үҙ ҡулығыҙ менән эшләгән эт һәм көсөк һындары менән биҙәргә тәҡдим ителә. Уларҙы эшләү өсөн ағас, пенопласт, ҡатырға, төҫлө ҡағыҙ һәм пластилинды ҡулланырға була. Эшләгән һындар тәрилкәләр араһына урынлаштырылһын. Шулай уҡ йыл хужаһы өсөн ыҡсым ғына оя эшләп, янына ашарға тәгәс ҡуйырға мөмкин.
(№ 104)

Изге ғәмәл менән үткәрәйек26.12.2017

Изге ғәмәл менән  үткәрәйекМөхәммәт пәйғәмбәр ғәләйһиссәләм Миләди иҫәп менән 571 йылда Рабиғел әү-үәл айының 12-дә, дүшәмбе көндө изге Мәккә ҡалаһында тыуа. Ата-әсәһе был тирәлә билдәле кешеләр Ғабдулла бин Ғәбдел Моталлип менән Әминә бин Ваһб була. Атаһы бала тыуғансы уҡ үлеп ҡала, Мөхәммәткә алты йәш булғанда әсәһе лә баҡый донъяға күсә.
Мәүлит, Мөхәммәт пәйғәмбәр тыуған көн - ислам динендәге иң мөбәрәк кистәрҙең береһе. Пәйғәмбәрҙең кендек инәһе Абдулмоталип ҡыҙы Сафия: «Мөхәммәт ғәләйһис-сәләм тыуғанда эргәһендә булдым. Был сабыйҙың үҙендә утыҙ биш ғәләмәт күрҙем. Быларҙың һәр береһе уның пәйғәмбәрлегенә дәлил ине. Әсәһенән башы менән тыуҙы, сабый тыуыр-тыумаҫ сәждәгә китте.
(№ 103)

Ғаилә йылы буласаҡ26.12.2017

Ғаилә йылы буласаҡБашҡортостан башлығы Рөстәм Хәмитов 2018 йылды республикала Ғаилә йылы тип иғлан итеү тураһындағы Указға ҡул ҡуйҙы.
Документ Рәсәй Президентының «Рәсәй Федерацияһында Балалыҡ ун йыллығын иғлан итеү тураһында»ғы Указына ярашлы төҙөлдө һәм дәүләт ғаилә сәйәсәтен камиллаштырыуға, ғаилә институты абруйын нығытыуға һәм уға ярҙам итеүгә йүнәлтелде. Башҡортостан Хөкүмәтенә Ғаилә йылын үткәреү буйынса ойоштороу комитеты составын һәм саралар планын раҫларға йөкләмә бирелде.Ғаилә йылы буласаҡ
(№ 103)


Материал ебәрергә

Рубрикалар


Яңылыҡтар архивы




Номерҙар архивы

Яңылыҡтар календары

«    Февраль 2018    »
ДшШшШршКйЙмШбЙкш
 1234
567891011
12131415161718
19202122232425
262728 

Популяр яңылыҡтар


Йыһан ҡунаҡтары төш  кенә булғанЙыһан ҡунаҡтары төш кенә булған
Телевизорҙан йәнһүрәт ҡарап ултырам. Шул ваҡыт...

Йәштәр форумы дуҫтарын йыйҙыЙәштәр форумы дуҫтарын йыйҙы
Ошо көндәрҙә Учалы тау сәнәғәте колледжында...

Ҡыҙҙарыбыҙ таһыл  һәм саяҠыҙҙарыбыҙ таһыл һәм сая
Ошо көндәрҙә Стәрлетамаҡ ҡалаһында 2004-2005...

Хеҙмәттәшлек күпере нығыйХеҙмәттәшлек күпере нығый
Аньхой университетының Рәсәйҙе өйрәнеү үҙәге...

Егеттәр маҡтауға лайыҡЕгеттәр маҡтауға лайыҡ
Күптән түгел район һәм ҡала хакимиәттәре призына...


Бөтә хоҡуҡтар ҙа яҡланған. Мәҡәләләрҙе күсереп баҫҡанда һәм уларҙы өлөшләтә файҙаланғанда «Яйык» («Яик»)
гәзитенә һылтанма яһау мотлаҡ. Интернет сайттарында тура актив гиперһылтанма ҡуйырға.