» » Хеҙмәте барҙың хөрмәте бар

Хеҙмәте барҙың хөрмәте бар27.12.2016

Хеҙмәте барҙың хөрмәте барЯңы йыл алдынан хеҙмәт алдынғыларын ҡотлау күптән матур традицияға әйләнгән. Ошо көндәрҙә район хакимиәтенең ҙур залында төрлө һөнәр эйәләрен тәбрикләнеләр. Улар араһында табиптар, уҡытыусылар, сәнәғәт хеҙмәткәрҙәре бар ине. Киләһе йылда йәнә лә һөҙөмтәлерәк эшләү, яңынан-яңы үрҙәр яулау теләген тыуҙырҙы был тантана.
Учалы районы Советы рәйесе Хөснөтдин Хәсәнов алдынғыларға федераль, республика һәм район кимәлендәге наградалар тапшырҙы. Һәр кемде яҡынлашып килгән Яңы йыл байрамы менән тәб-рикләп, ғаилә именлеге һәм эштәрендә уңыштар теләне.
- Был наградаларҙы фи-ҙаҡәр хеҙмәтегеҙ менән яулағанһығыҙ. Эшегеҙ менән йәмғиәткә өлгө күрһәтәһегеҙ. Әле илебеҙ ҡатмарлы осор кисерә. Шуға ҡарамаҫтан, Ватанға хеҙмәт итеүебеҙҙе дауам итәйек. Берҙәм көс менән генә был ҡыйын осорҙо лайыҡлы үтеп сығасаҡбыҙ, - тине ул.

30 бүләкләнеүсенең яртыһынан күбеһе - медицина хеҙмәткәрҙәре. Һаулыҡ һағында тороусы аҡ халатлыларҙың хеҙмәте айырыуса юғары баһаға лайыҡ икәнен һәр кем яҡшы белә. Тиҙ ярҙам бүлегенең өлкән фельд-шеры Людмила Емельянова «РФ Һаулыҡ һаҡлау отличнигы», ҡатын-ҡыҙ-ҙар консультацияһының шәфҡәт туташы Гөлдәр Садиҡова, Туңғатар табип амбулаторияһының тиҙ ярҙам бүлеге фельдшеры Айгөл Хөснөтдинова, үҙәк ҡала дауаханаһы-ның анестезиолог-реа-ниматологы Айнур Фәсхетдинов, табип-травматолог Илгиз Яруллин «БР Һаулыҡ һаҡлау отличнигы» билдәһе, дауалау буйынса баш табип урынбаҫары Наилә Фәхретдинова, нев-рология бүлеге мөдире Хазина Сөләймәнова, хирургия бүлегенең өлкән шәфҡәт туташы Илүзә Кинйәбаева, трансфузиология ка-бинеты шәфҡәт туташы Зәйтүнә Әбдрәшитова, акушер бүлеге мөдире, акушер-гинеколог Азамат Мәзитов, гинекология бүлеге шәфҡәт туташы Зөлфиә Ғниәтуллина, Учалы участка дауахана-һы өлкән шәфҡәт туташы Фәриҙә Яруллина, кли-ника-диагностика лабора-торияһы бүлеге лаборанты Гүзәл Шәғәпова, Туңғатар табип амбулаторияһы шәфҡәт туташы Резеда Шәрәфүтдинова һәм башҡа күптәр РФ һәм БР Һаулыҡ һаҡлау ми-нистрлығының Почет грамоталары менән наг-радландылар.
«БР мәғариф отличнигы» исеменә Комсомольск урта мәктәбе директоры, рус теле һәм әҙәбиәте уҡытыусыһы Гөлшат Вилданова лайыҡ булды. Гөлшат Закирйән ҡыҙы егерме йылдан ашыу ғүмерен балаларға белем биреүгә арнаған. Уҡыусылары йыл һайын ҡала-район, төбәк олим-пиадаларында призлы урын яулай. Берҙәм дәүләт имтихандарында яҡшы һөҙөмтәләр күрһәтәләр. Уҡытыусылыҡ һөнәре Гөл-шат Закирйән ҡыҙының ғаиләһендә династия бу-йынса дауам итә. Әсәһе башланғыс кластар уҡы-тыусыһы, ҡыҙы Айгөл Башҡорт дәүләт педагогия университетында белем ала, киләсәктә филолог булырға йыйына. Ҡайныһы ла уҡытыусы икән. «Бер ваҡыт ҡыҙым ике яҡ нәҫел-дә йәмғеһе 44 педагог булғанын барлап сығарҙы. Балалар менән эшләү - беҙҙең ҡаныбыҙҙа», - ти ул.
Илсе ауыл Советы белгесе Сәлиә Әхмәтова урындағы үҙидара ор-гандарында оҙайлы һәм фиҙаҡәр хеҙмәте өсөн «БР муниципаль берәмектәр советы» Ассоциацияһы-ның Почет грамотаһы ме-нән билдәләнде. Бүләк-ләнеүселәр исемлегендә Учалы тегеү фабрикаһы эшселәренең дә булыуы ҡыуаныслы күренеш. Әлфиә Нотфуллина, Нә-симә Камалетдинова Уча-лы район хакимиәтенең Почет грамоталары ме-нән бүләкләнде. Алтын юбилейҙарын билдәләгән Фәниә һәм Камса Яруллиндар ҙа иғтибарҙан ситтә ҡалманы. Камса Фәйзулла улы оҙаҡ йылдар «Урал таштары» йәмғиәтендә таш юныусы, таш ҡырҡыусы булып хеҙмәт итә, тормош иптәше Фәниә Әсфәнди-әр ҡыҙы Учалы районы хакимиәтендә йыйыштырыусы булып эшләй. Матур ҡартлыҡ кисереүсе парға БР Башлығының ҡотлау һүҙҙәре еткерелде һәм иҫтәлеккә бүләк тапшырылды.
Әлиә ДАУЫТОВА.

 
  • Оҡшаш яңылыҡтар
  • Комментарийҙар
Еңеүҙәр - хеҙмәт ашаЕңеүҙәр - хеҙмәт аша
Көҙҙөң тәүге байрамы - Белем көнө алдынан изге йолаға әүерелгән уҡытыусыларҙың август кәңәшмәһе үтте. Унда уҙған уҡыу йылына һөҙөмтәләр яһау, киләһе... Тотош уҡырға
Уңыш серен беләләрУңыш серен беләләр
Туңғатар табип амбулаторияһында «Тиҙ ярҙам» пункты 1995 йыл Учалы үҙәк ҡала дауаханаһының филиалы булып эшләй башланы. Филиал Устиново ауылынан алып... Тотош уҡырға
Хеҙмәтенә күрә - хөрмәтеХеҙмәтенә күрә - хөрмәте
Ҡала-районыбыҙ буйынса Уҡытыусылар көнө айҡанлы һәм йәш быуынды уҡытыуҙа, тәрбиәләүҙә ирешкән уңыштары, фиҙаҡәр хеҙмәттәре өсөн түбәндәге уҡытыусылар... Тотош уҡырға
Һаулыҡ һаҡсыларыҺаулыҡ һаҡсылары
Эй, кеше ғүмере! Ваҡыт үтә барған һайын, кеше һаулығы ла ҡаҡшай. Бына мине лә йөрәк һыҙлауы, Учалы ауылындағы участка дауаханаһына юллатты. Был... Тотош уҡырға
Ышаныслы ҡулдарҙаЫшаныслы ҡулдарҙа
Шәфҡәт туташтарын аҡ халатлы фәрештәләр тип юҡҡа атамайҙарҙыр. Улар сирлеләрҙе дарыу һәм уколдар менән генә түгел, йылы ҡараш һәм яғымлы һүҙ менән... Тотош уҡырға


Материал ебәрергә

Рубрикалар


Яңылыҡтар архивы




Номерҙар архивы

Яңылыҡтар календары

«    Ғинуар 2018    »
ДшШшШршКйЙмШбЙкш
1234567
891011121314
15161718192021
22232425262728
293031 

Популяр яңылыҡтар


Ҡайҙа ҡиммәтерәк?Ҡайҙа ҡиммәтерәк?
Яңы йыл алдынан ниндәй ҡалаларҙа Ҡыш бабайҙы...

Байрамдар тыныс үтһенБайрамдар тыныс үтһен
Тиҙҙән барыбыҙҙың да яратҡан байрамы - көтөп...

Ғаилә үтәй алмаҫлыҡ бурыс бармы икән?Ғаилә үтәй алмаҫлыҡ бурыс бармы икән?
Ҡала мәҙәниәт үҙәгендә физик мөмкинлектәре...

«Ҡанат ҡуйылғандай булды», - ти ирекмән«Ҡанат ҡуйылғандай булды», - ти ирекмән
Рәсәй Президенты В. Путин «Рәсәй ирекмәне - 2017»...

Яңы йылға өмөт-ышаныстар бағлайбыҙЯңы йылға өмөт-ышаныстар бағлайбыҙ
Ҡомаҡ (1924, 1936, 1948, 1960, 1972, 1984, 1996,...


Бөтә хоҡуҡтар ҙа яҡланған. Мәҡәләләрҙе күсереп баҫҡанда һәм уларҙы өлөшләтә файҙаланғанда «Яйык» («Яик»)
гәзитенә һылтанма яһау мотлаҡ. Интернет сайттарында тура актив гиперһылтанма ҡуйырға.