«Ҡайҙа ғына булмай, ниҙәр генә күрмәй...»22.02.2018

«Ҡайҙа ғына булмай, ниҙәр генә күрмәй...»Әхмәтйәнов Ғариф Ғәли улы 1960 йылдың 15 июнендә Учалы районының урман төпкөлөндә урынлашҡан Күбәк (Көҙөй) ауылында тыуа.
Ғаиләлә дүртенсе бала була. Шуҡ һәм етеҙ, ярҙамсыл һәм эшһөйәр булып үҫә.

1967 йылда Иманғол урта мәктәбенә уҡырға инә. Яҡшы уҡыуы һәм спорт менән мауығыуы арҡаһында күп тиҫтерҙәренән айырылып тора. Ағаһы Рәмил иртәндәрен күнекмә рәүешендә йүгерә башлағас, ул да татлы йоҡоһон ҡалдырып, уға эйәрә.
(Бөгөнгө көндә Рәмил Ғәли улы Башҡортостан Республикаһының атҡаҙанған физик культура хеҙмәткәре милли көрәш буйынса иң юғары категориялағы тренер). Ҡышын саңғыла елә, тауҙан сана шыуып кинәнә, хоккей һуға. Рәжәп ағай Закиров милли көрәш секцияһы асҡас, унда айырыуса мөкиббән шөғөлләнә башлай. Һәр ваҡыт мәктәп, район ярыштарында ҡатнаша, еңеүҙәргә өлгәшә. Башҡортостан чемпионаттарында ла яҡшы сығыш яһай.
Спорттағы уңыштарынан тыш, Ғарифты белгәндәр барыһы ла уның кешелеклеген, ихласлығын, намыҫсанлығын, шәфҡәтлелеген әле булһа хәтерләй.
Иманғолда урта белем алғас, Учалы ҡалаһында автомәктәпте тамамлай, 1978 йылда хәрби хеҙмәткә саҡырыла. Әрмегә киткәнгә тиклем ошо йылғы район һабантуйында көрәш буйынса йәштәр араһында тәкә алып өлгөрә. Башта Ғарифты Калининград өлкәһенә йүнәлтәләр, сик һағы ғәскәрҙәренә эләгә.
Барыу менән коммунистар партияһына кандидат булып инә. Спорт менән алдан ныҡлап шөғөлләнгәс, хеҙмәт еңел бирелә уға.
(№ 15)

Был донъяла ниҙәр бар?20.02.2018

Был донъяла ниҙәр бар? Ярты йыл да эшләп өлгөрмәне, Нидерландының сит ил эштәре министры Хальбе Зейлстра отставкаға сығырға мәжбүр ителде. Оятһыҙ рәүештә яла яғыуы асыҡлана бит. Владимир Путин сит ил бизнесмендары менән үткәргән бер кәңәшмәлә, составына Украина, Белоруссия, Балтика буйы илдәре, Ҡаҙағстанды индереп, ниндәйҙер «Бөйөк Рәсәй» төҙөү ниәте тураһында үҙ ҡолағым менән ишеттем, тип һүҙ таратҡан була. Хәҙер килеп, алдаҡсы министр (ул саҡта бизнесмен) был осрашыуҙа бөтөнләй ҡатнашмауы асыҡланды. «Бөйөк Рәсәй» - әллә үҙе уйлап сығарған, әллә берәйһенән ишеткән ғәйбәт икәнлегенә бер кемдең дә шиге ҡалманы.

АҠШ Милли разведкаһы директоры Дэниел Коутстың фекеренсә, быйыл Әзербайжан һәм Әрманстан араһында һуғыш тоҡаныуы ихтимал, был ҡанҡойоштоң Рәсәйгә лә ҡағылыуы бар. Ыҙғыш сәбәбе - Таулы Карабах, хәҙер инде күпме ваҡыт бүлешә алмайҙар.
(№ 14)

Хеҙмәт баҙарында хәлдәр нисек?16.02.2018

Хеҙмәт баҙарында хәлдәр нисек?Хәүефләндерә башланы, оҙ-аҡламай Учалыбыҙ тулыһынса Белорет ҡарамағына ҡа-лырмы икән тип. Ойошма-предприятиелар ҙа, «Сиратта кем?» - тип борсолалыр.
Эш күләме
шул уҡ

Мәҫәлән, 2017 йылда Учалы районының мәшғүллек үҙәге Белорет районының халыҡты эш менән тәьмин итеү үҙәгенә ҡушылды һәм филиал итеп үҙгәртелде.
Ошо сәбәпле штат ун биштән 13,75 берәмеккә ҡалған, ә эш күләме шул уҡ.
- Беҙҙең бурыс эшһеҙҙәргә пособие биреү генә түгел, хеҙмәт баҙарындағы хәл-торошто көйләү, халыҡты эш менән тәьмин итеүҙә ярҙам итеү. Белгестәребеҙ ойошма-предприятиелар буйлап йөрөп, ниндәй эш урындары барлығын белешә, етәкселәр, кадрҙар хеҙмәте менән һөйләшеү алып бара. Эш биреүсел-әр менән консультациялар үткәрәбеҙ, өҫтәмә һөнәр алырға уҡытабыҙ һәм башҡа саралар ойошторабыҙ, - ти филиал директоры.
(№ 13)

Был донъяла ниҙәр бар?13.02.2018

Был донъяла ниҙәр бар?«Mars One» компанияһы 2020 йыл Марс планетаһына кеше ебәрергә вәғәҙә итә ине, хәҙер старт 2032 йылға күсерелеү тураһында иғлан ителде. Йәнәһе лә, 4 кешене сит планетаға осороу өсөн талап ителгән 6 миллиард доллар әлегә тупланмаған. Компания киң билдәлелек алып, миллиардтар менән эш итһә лә, штаттарында ни бары 8 хеҙмәткәр иҫәпләнә, ти. Ирекһеҙҙән Хужа Насретдин иҫкә килә. Ул да хакимдың ишәген ун йылда китап уҡырға өйрәтәсәгенә ышандыра бит. Ошондай иҫәп тота: 10 йыл үткәнсе, йә хаким, йә уның ишәге, йә Насретдин үҙе вафат буласаҡ...

Молдавияла 20 ауыл Румынияға ҡушылыуҙары тураһында декларациялар ҡабул итте. Әйтерһең, бындай мәсьәләне ауыл йыйылыштарында ғына хәл итеп була! Молдова президенты Игорь Додон был сәбәпле ҡаты сығыш яһағайны, аҫтыртын ҡотортоусы Румыния ҡойороҡ болғарға тотондо. Сит ил эштәр министры Теодор Мелешкану һүҙенән, бар маҡсаттары: «... Европа йүнәлешендә хәрәкәт итеү өсөн көстәрҙе берләштереү». Нимәһен талашырға инде, билдәле швед ғалимы Кьелл Нордстрем әфәнденең фаразы буйынса, 50 йылдан донъяла айырым дәүләттәр ғәйеп булып, бар кешелек 600 мегаполиста йәшәйәсәк.
(№ 12)

Вайымһыҙлыҡтың юҡтыр сиктәре...09.02.2018

Вайымһыҙлыҡтың юҡтыр сиктәре...Бынан өс йыл элек Ҡазан ҡалаһынан килгән турист ҡатындың ике балаһы менән Ирәмәлгә сығыуы һәм унда 14 йәшлек ҡыҙҙың туңып үлеүе, улының төрлө ауыр йәрәхәттәр алыуы әле лә хәтерҙә.
Быйыл да изге тауға артылғандар араһында ошондай уҡ күңелһеҙ хәлгә тарығандар булды.
Аңлашыла, һәр кем ялын файҙалы һәм иҫтә ҡалырлыҡ итеп үткәрергә тырыша. Бының өсөн хәҙерге ваҡытта кешенең техникаһы ла, матди мөмкинлектәре лә бар.
Берәүҙәр сит илгә юллана, икенселәр ял йорттарын һайлай, кемдер тәбиғәт ҡосағына ынтыла, ҡайһы берәүҙәр иһә сәйәхәткә юллана. Әлбиттә, донъя гиҙеү бик файҙалы шөғөл, тик ҡайһы саҡта сама тигән нәмәне онотоп ебәрәбеҙ, шикелле. Был аңһыҙлыҡмы, яуапһыҙлыҡмы, әллә мәғәнәһеҙлекме? Был һорауҙарға бер нисек тә яуап табып булмай, сөнки бәғзе берәүҙәрҙең башҡа һыймаҫлыҡ аҙымдарын ниндәй күҙлектән сығып баһаларға һуң?
(№ 11)

Һайлауҙарҙа - яңы тәртиптәр07.02.2018

Һайлауҙарҙа -  яңы тәртиптәрБыйыл илебеҙҙә мөһим ваҡиға - Рәсәй Президенты һайлауҙары уҙасаҡ. Уға әҙерлек ниндәй кимәлдә бара, яңы алымдар ҡулланыласаҡмы?
Ошо һәм башҡа һорауҙарҙы асыҡлау маҡсатында беҙ Учалы районының территориаль һайлау комиссияһы рәйесе Әлфиә Ғарифуллина менән осрашып һөйләштек.
- Участка һайлау комиссиялары 15 февралдән асыласаҡ.
Комиссия ағзалары үҙ эшен урамдан-урамға, йорттан-йортҡа йөрөп, һайлаусыларға саҡырыу ҡағыҙҙары таратып сығыуҙан башлаясаҡ. Әгәр ҙә таныш булмаған кеше ишегегеҙҙе шаҡыһа, борсолмағыҙ.
Участка һайлау комиссияһы ағзаһы иң тәүҙә таныҡлығын күрһәтеп, үҙе менән таныштырасаҡ, исемлек буйынса был йортта йәки фатирҙа кем теркәлеүен асыҡлаясаҡ. Ниндәй ҙә булһа ҡағыҙға ҡултамға ҡуйыу талап ителмәй. Хужалар өйҙә булмай икән, саҡырыу ҡағыҙҙарын улар почта йәшнигенә ҡалдырып китәсәктәр.
(№ 10)

Тамғалау мотлаҡ буласаҡ02.02.2018

Тамғалау мотлаҡ буласаҡАуыҙың бер бешһә, һалҡынды ла өрөп ҡабаһың, тиҙәр. Былтыр республикабыҙҙы апаруҡ ҡаҡшатҡан бешмә ауырыуын киләсәктә булдырмаҫ өсөн Башҡортостан Хөкүмәте махсус саралар планын раҫланы.
Уға ярашлы, 2019 йылдың аҙағына тиклем республикалағы барлыҡ мал-тыуар иҫәпкә алынырға һәм идентификацияланырға тейеш, тип белдерелә.
Бөгөн был юҫыҡта 18 йүнәлештә эш алып барыла. Ауыл хужалығындағы малдарҙы хәреф һәм һандар ярҙамында идентификациялау, был мәғлүмәттәрҙе берҙәм федераль реестрға индереү - шуның береһе. Хәҙер һыйырға, атҡа, кәзә-һарыҡ һәм бүтән йорт хайуандарына махсус биркалар ҡуйыласаҡ.
Көтөүҙе күҙәтеүгә алыуҙы ойоштороуға, идентификацияланмағандарын күҙ уңынан ысҡындырмауға, Ҡорбан байрамы мәлендә оло юлда постар һәм рейдтар булдырыуға, ветеринарҙарҙың белемен камиллаштырыуға етди иғтибар биреләсәк.
(№ 9)

Законлы түләү сараһы иҫәпләнә30.01.2018

Законлы түләү сараһы иҫәпләнә200 һәм 2000 һумлыҡ яңы аҡсалар законлы түләү сараһы булып тора.
Уларҙы ғәмәлдәге банкноталар менән бер рәттән банктарҙа, сауҙа һәм сервис предприятиеларында ҡабул итергә тейештәр, тип билдәләйҙәр Башҡортостан буйынса Милли банкта.

Куэр код буйынса, үҙәк банктың сайтына инеп, банкнотаның ысын булыу-булмауын тикшереү юлдарын белергә мөмкин. Шулай уҡ аҡсаларҙа ниндәй һаҡлыҡ саралары барлығын күрһәткән видеоролик «Госзнак» предприятиеһының рәсми сайтында http://goznak.ru/about/press/news/21838/ бирелгән. Бынан тыш, яңы Рәсәй банкноталарын «Android һәм Apple ҡорамалдары өсөн «Дәүләт знагы» АЙ-нең рәсми ҡушымтаһында тикшерергә була.
Яңы аҡсаларҙы ҡабул итеүҙән баш тартыу, Рәсәй ҡануниәтен боҙоу, тип иҫәпләнә. Бындай осраҡта граждандарға 8-800-700-90-30 телефоны буйынса йәки Рәсәй банкының Ҡулланыусылар хоҡуғын яҡлау һәм финанс хеҙмәттәренең асыҡлығын тәьмин итеү хеҙмәтенә ялыу менән мөрәжәғәт итергә кәрәк: 8-800-250-40-72. Яңы аҡсалар тураһындағы мәғлүмәтте fincult.info һәм Рәсәй банкының рәсми сайтында уҡып белергә мөмкин.
Ә. ФӘРРӘХОВА.

(№ 8)

Был донъяла ниҙәр бар?30.01.2018

Был донъяла ниҙәр бар? Афғанстанда хәлдәр бер ҙә тыныс түгел. Рәсәйҙә тыйылған «Талибан» ойошмаһы вәкиле «Ашығыс ярҙам» автомобиленә ултырып, сирлене дауаханаға илтер кәрәк, тип алдап, Эске эштәр министрлығы бинаһы янына үтә. Машинаға йәшерелгән бомба шартлау арҡаһында 63 кеше үлә, 150 кеше яралана - байтағы властарға, көс структураларына бөтөнләй ҡағылыштары булмаған һис тә ғәйепһеҙ граждандар. Хоҙай исемен телдән төшөрмәгән террорсылар Хоҙайҙан ҡурҡмай икән! Шул уҡ ойошма үткән аҙнала ҡунаҡхана шартлатып, ун һигеҙ кешенең башына еткән ине. Хәҙер ни, теҙгендә тоторға совет һалдаттары юҡ шул.

Бөйөк Британия оборона министры Гэвин Уильямсон күҙен дә йоммайынса ватандаштарын Рәсәй менән ҡурҡытты: йәнәһе лә энергетика объекттарына күҙәтеү алып барыла, ошо нөктәләргә һөжүм итеп, Англияла хаос сығарылыу ихтимал, меңәрләгән кеше үләсәк. Кем һәм нисек күҙәтә, ҡасан һәм ҡалай һөжүм итергә йыйыналар - был хаҡта министр конкрет бер ни әйтә алманы. Кәрәк тә түгел - тап әле Оборона программалары раҫлана, бар маҡсаттары - Рәсәй менән ҡурҡытып, бюджеттан күберәк аҡса умырып алыу.
(№ 8)

Учалылар яҡшылар иҫәбендә23.01.2018

Учалылар яҡшылар иҫәбендәУчалы районы буйынса эске эштәр бүлеге хеҙмәткәрҙәре уҙған йылға йомғаҡ яһап, дөйөм кәңәшмә үткәрҙе.
Унда БР Эске эштәр министрлығының иҡтисади хәүефһеҙлек һәм коррупцияға ҡаршы көрәш буйынса идаралығының ваҡытлыса начальник вазифаһын башҡарыусы Геннадий Мосякин, район хакимиәте башлығы Фәрит Дәүләтгәрәев, район-ара прокурор Наил Хәлилов әүҙем ҡатнашты.
Эске эштәр бүлеге начальнигы Илдар Абдраҡипов йыл дауамында хоҡуҡ һаҡсылары башҡарған эштәргә анализ яһаны, етешһеҙлектәрҙе барланы.
Шуны билдәләп үтергә кәрәк, хоҡуҡ боҙоуҙарға ҡаршы йүнәлтелгән профилактик саралар район хакимиәте, йәмәғәт ойошмалары менән берлектә алып барыла. Бигерәк тә терроризм, экстремизм, наркомания кеүек заман афәттәре менән көрәшкә ҙур иғтибар бирелә, уларға юл ҡуймау маҡсатында төрлө саралар үткәрелә.
Былтыр районыбыҙҙа 1133 енәйәт теркәлгән, алдағы йыл менән сағыштырғанда 6,1 процентҡа (65 осраҡҡа) күберәк. 757 (-6) енәйәт эше асыҡланып судҡа йүнәлтелгән, 369-ы төрлө сәбәптәр менән туҡтатылған.
(№ 6)


Материал ебәрергә

Рубрикалар


Яңылыҡтар архивы




Номерҙар архивы

Яңылыҡтар календары

«    Февраль 2018    »
ДшШшШршКйЙмШбЙкш
 1234
567891011
12131415161718
19202122232425
262728 

Популяр яңылыҡтар


Йыһан ҡунаҡтары төш  кенә булғанЙыһан ҡунаҡтары төш кенә булған
Телевизорҙан йәнһүрәт ҡарап ултырам. Шул ваҡыт...

Йәштәр форумы дуҫтарын йыйҙыЙәштәр форумы дуҫтарын йыйҙы
Ошо көндәрҙә Учалы тау сәнәғәте колледжында...

Ҡыҙҙарыбыҙ таһыл  һәм саяҠыҙҙарыбыҙ таһыл һәм сая
Ошо көндәрҙә Стәрлетамаҡ ҡалаһында 2004-2005...

Хеҙмәттәшлек күпере нығыйХеҙмәттәшлек күпере нығый
Аньхой университетының Рәсәйҙе өйрәнеү үҙәге...

Егеттәр маҡтауға лайыҡЕгеттәр маҡтауға лайыҡ
Күптән түгел район һәм ҡала хакимиәттәре призына...


Бөтә хоҡуҡтар ҙа яҡланған. Мәҡәләләрҙе күсереп баҫҡанда һәм уларҙы өлөшләтә файҙаланғанда «Яйык» («Яик»)
гәзитенә һылтанма яһау мотлаҡ. Интернет сайттарында тура актив гиперһылтанма ҡуйырға.