» Автор: Ирек АЗАТОВ.

Ветерандар һыу инә!17.04.2018

Ветерандар һыу инә!Эске эштәр органдары һәм эске ғәскәр ветерандары көнө 2011 йылдан алып ун етенсе апрелдә билдәләнә.
Бөгөнгө көндә Рәсәйҙә 650 мең тирәһе кеше был категорияға инә икән.
Учалы буйынса эске эштәр бүлеге ветерандарының беренсел ойошмаһында 201 пенсионер теркәлгән. Шул иҫәптән, 60 эске эштәр бүлеге ветераны (60-ты үт-кәндәр), ә отставкалағы милиция полковнигы Дамин Сафа улы Яппаров - Бөйөк Ватан һуғышы ветераны ла. Үкенес, һуғышта ҡатнашҡан ветерандарыбыҙ йылдан-йылға кәмей бара...
(№ 30)

Ишан иҫтәлегенә06.04.2018

Ишан иҫтәлегенәМәшһүр яҡташыбыҙ Зәйнулла ишан Рәсүлевтың донъяға килеүенә 185 йыл тулыуға бағышлап, Учалы балалар һәм үҫмерҙәр спорт мәктәбендә дзюдо буйынса турнир ойошторолдо.
Мейәс, Белорет, Троицк, Магнитогорск ҡалаларынан, Ҡонашаҡ һәм Уйск ҡасабаларынан да көс һынашырға килделәр, барлығы 106 йәш спортсы йыйыла.
Командалар араһында беренсе урынға учалылар сыҡты, «көмөш» миҙалға - Магнитогорск, «бронза»ға - Мейәс вәкилдәре лайыҡ булды. Ярыш сәмле үтә.
Шәхси беренселектә үҙ ауырлыҡ һәм йәш категорияларында түбәндәге яҡташтарыбыҙ район өсөн үтә әһәмиәтле турнир чемпиондары булдылар: Вадим Дауытов, Әлфинә Фәхретдинова, Камилла Баязитова, Дарья Халтурина, Эльвина Астанова, Карина Апсатыева, Йософ Хәсәнов һәм Өфөнән ҡунаҡҡа ҡайтҡан яҡташыбыҙ, алты тапҡыр Башҡортостан чемпионы Азалина Сафина.
(№ 27)

Ҡыҙҙарыбыҙ таһыл һәм сая02.02.2018

Ҡыҙҙарыбыҙ таһыл  һәм саяОшо көндәрҙә Стәрлетамаҡ ҡалаһында 2004-2005 йылда тыуған ҡыҙ һәм егеттәр араһында дзюдо буйынса республика беренселеге үтте.
Ҡалабыҙҙың 10-сы мәктә-бендә уҡыған Камилла Ғәбиҙуллина еңеүгә ирешеп, хәҙер инде ике тапҡыр республика чемпионы булды. Тренеры - Ирина Харисова. Ураҙ лицейының 7-се класында уҡыусы һәм тренер Фәһим Шакировта күнекмәләр алыусы Виктория Фазлетдинованың «бронза» миҙал алыуы ла ғорурлыҡ тойғоһо уята. Ҡыҙҙарҙы еңеүҙәре менән ҡотлайбыҙ!
- Учалы командаһының башҡа ағзалары әлегә призлы урындар алмаһа ла, ярышта ҡатнашыуҙан ҡәнәғәт ҡайттыҡ, бындай турнирҙар оҫталыҡты арттыра, тәжрибә бирә, - тип белдерҙе Балалар һәм үҫмерҙәр спорт мәктәбе тренеры Александр Шумков.
(№ 9)

«Ҡанат ҡуйылғандай булды», - ти ирекмән19.12.2017

«Ҡанат ҡуйылғандай булды», - ти ирекмәнРәсәй Президенты В. Путин «Рәсәй ирекмәне - 2017» премияһын биреү тантанаһында киләһе йылды Ирекмән йылы итеп билдәләү тураһында иғлан итте, был хаҡта Указға ҡул ҡуйҙы.
Был сарала яҡташыбыҙ Анна Мөхәмәтйәрова ла ҡатнашыуы тураһында хәбәр иткәйнек.
- «Башҡортостан йәнлектәрҙе һаҡлау» төбәк йәмәғәт ойошмаһының волонтерҙар мәктәбе етәксеһе һәм БР Йәмәғәт Палатаһының Мәғариф, мәҙәниәт, спорт, йәштәр сәйәсәте, хәйриә һәм ирекмәнлек буйынса комиссияһы эксперты булараҡ, 4-6 декабрҙә Бөтә Рәсәй ирекмәндәр форумында ҡатнаштым, - тип бәйән итте беҙгә Анна, - Былтыр үҙем «Рәсәй ирекмәне - 2016» конкурсында еңеүсе булғайным, быйыл да сара бик сағыу, күләмле һәм тулҡынландырғыс итеп ойошторолдо.
(№ 101)

Яҡташыбыҙ һынатманы08.12.2017

112-се Башҡорт атлы кавалерия дивизияһының ойошторолоуына 75 йыл тулыу айҡанлы күптән түгел Өфө ҡалаһында милли йәйәнән атыусылар араһында ябыҡ турнир үтте.
Был ярышта ҡатнашыу өсөн үткән йылдың һөҙөмтәләренә ҡарап, Башҡортостандың утыҙ иң мәргән уҡсыһы һайлап алына. Ярыш 11-се Олимпия резервы спорт мәктәбендәге йәйәнән атыу тирында уҙа.
- Был сараның маҡсаты - республикала һәм Рәсәйҙә танылған, донъя кимәлендә уҙғарылған «Һыбай һәм йәйәүле йәйәнән атыу, Мәргән уҡсы III» фестиваленә әҙер-лек, Башҡортостан уҡсыларының башҡа тарафтарҙа уҙғарылған ярыштарҙа ҡатнашыуы өсөн йыйылма команда төҙөү, - тип аңлатты бәйгене ойоштороусы, «Мәргән уҡсы» фестиваленә тәүләп нигеҙ һалыусы Юлай Ғәлиуллин.
Мәргәндәр сараға Өфө, Сибай, Учалы ҡалаларынан, шулай уҡ Бөрйән, Әбйәлил, Ғафури, Ҡырмыҫҡалы райондарынан килгәндәр.
Утыҙ иң оҫта уҡсы араһында беренселекте яҡташыбыҙ Рөстәм Тләүбирҙин алды. Унан ҡала икенсе урынды Салауат Юлбирҙин (Бөрйән районы) яулаһа, «бронза миҙалға» йәнә Учалы уҙаманы, күп бәйгеләр еңеүсеһе Руслан Әхмәҙиев лайыҡ булды.Яҡташыбыҙ һынатманы
(№ 98)

Был беҙҙең тарих!15.11.2017

Был беҙҙең тарих!- 100 йыл элек донъя һәм илебеҙҙе тетрәткән ваҡиғаларҙы һәр кем төрлөсә баһалайҙыр. Әммә шуныһы бәхәсһеҙ - тап революциянан һуң илебеҙ бар йүнәлештәрҙә лә алға ынтыла, байтаҡ ҡаҙаныштарыбыҙ донъя кимәлендә лә беренсе ине.
Нисек кенә булмаһын - был беҙҙең тарих, ә үҙ тарихын һәр кем ихтирам итергә бурыслы. Хәҙер инде 26 йыл Октябрь револю-цияһына бағышланған демонстрациялар үткәрелмәй, ләкин барыбер был көндә күңел елкенә! Беҙҙең дә бала саҡ Советтар Союзында үтте бит, - тип телмәр тотто социалистик революцияның 100 йыллығына бағышланған митингыла район хакимиәте башлығының социаль сәйәсәт буйынса урынбаҫары Зөһрә Гордиенко.
Ә үҙәк ҡала майҙанына халыҡ байтаҡ йыйылғайны. Хаҡлы ялға сығып, олоғайып, хәҙер кеше араһында бигүк күренеп бармаған иптәштәрҙең дә мөһим датаға хөрмәт күрһәтеп митингыға килеүҙәре иғтибарҙы йәлеп итте. Афариндан башҡа баһа юҡ.
(№ 91)


Материал ебәрергә

Рубрикалар


Яңылыҡтар архивы




Номерҙар архивы

Яңылыҡтар календары

«    Апрель 2018    »
ДшШшШршКйЙмШбЙкш
 1
2345678
9101112131415
16171819202122
23242526272829
30 

Популяр яңылыҡтар


Башҡорт матрешкалары - милли кейемдәБашҡорт матрешкалары - милли кейемдә
Быға тиклем рустарҙың матрешкаларын ғына күргәнем...

«Халыҡ» исеменә тап төшөрмәнеләр«Халыҡ» исеменә тап төшөрмәнеләр
Районыбыҙҙа 43 халыҡ һәм өлгөлө үҙешмәкәр...

Был донъяла ниҙәр бар?Был донъяла ниҙәр бар?
РФ Президенты Владимир Путин Мөрә-жәғәтнамә менән...

Иң тәмле икмәк -  ПоляковкалаИң тәмле икмәк - Поляковкала
Районыбыҙҙың төньяҡ зонаһына юл төшкәс, бер...

«Киләсәккә белем - 2018» форумы үтте«Киләсәккә белем - 2018» форумы үтте
Ҡала-район мәктәптәрендә йыл да ойошторола килгән...


Бөтә хоҡуҡтар ҙа яҡланған. Мәҡәләләрҙе күсереп баҫҡанда һәм уларҙы өлөшләтә файҙаланғанда «Яйык» («Яик»)
гәзитенә һылтанма яһау мотлаҡ. Интернет сайттарында тура актив гиперһылтанма ҡуйырға.