» Автор: Үҙәк матбуғатты һәм интернетты файҙаланып Илфат ЯНБАЕВ әҙерләне.

Был донъяла ниҙәр бар?Кисә, 09:28

Был донъяла ниҙәр бар?- РФ-тың Генераль прокуратураһы бәйән итте: Рәсәйҙә иң йыш ҡылынған енәйәт - яуыз ниәттә мутлашыу, 2017 йылдың ун бер айында 204 870 осраҡ теркәлгән. Аҡыллыға ишара: дөйөм алғанда енәйәттәрҙе асыҡлау 54 процентҡа етһә, алдап байыусыларҙың дүрттән бер өлөшө генә язаға тарттырыла. Ҡыҫҡаһы, сабыйҙарса хәйләһеҙ булмағыҙ, уяулыҡты юғалтмағыҙ - тишек кәмәгә ултыртырға ниәтләнеүселәр сикһеҙ үрсене.

- Эт саба, тип бет саба. Ғәрәп Әмирлектәрендә таралған моданы Мәскәү байҙары отоп алған: бер-береһенә юлбарыҫ, арыҫлан һәм башҡа йыртҡыс балаларын бүләк итешәләр. Баш ҡала янында йәшәгән С.Княгиничев шәхси зоопаркында тиҫтәләп хайуан аҫрай.
Нисек килеп сыҡҡандыр, ҡаплан (леопард) ситлеге эсенә ир инә. Бер версия буйынса - миллионерҙың ялсыһы, йәнлекте тәрбиәләү менән шөғөлләнә, икенсе фаразға ҡарағанда - ялсыға ҡунаҡҡа килгән бабаһы ят хайуанды ҡарарға инә. Нисек кенә булмаһын, йыртҡыс ирҙе үлтергәнсе талай. Иң аянысы, кеше башына еткән хайуан язаһыҙ ҡаласаҡ, ти, йәнәһе лә, бер ғәйебе юҡ!
(№ 4)

Был донъяла ниҙәр бар?09.01.2018

Был донъяла ниҙәр бар?РФ Хөкүмәте министрҙарының былтырғы эш хаҡтары тураһында хәбәр ителде. Иң күбе финанстар министры Антон Силуанов алған - айына 1,73 миллион, йылына - 20,7 миллион һум. Һәм ошо аҡса йыл әйләнәһенә министр алған бар килемдең биштән бер генә өлөшө, ти! Кемдең ҡулында, шуның ауыҙында инде... «Көмөш» һәм «бронза» миҙалдарға иҡтисади үҫеш һәм энергетика министрҙары лайыҡ булған - айына 1,27 һәм 1,16 миллион һум.

Көрсөк, көрсөк, тигәндәренә ышаныуы ла ҡыйын. Кемгә көрсөк һәм оптимизация, кемгәлер - йән рәхәте. Былытыр донъяның иң бай 500 кешеһе 4,4 триллион долларлыҡ милеккә эйә булһа, быйыл - 5,3 триллион.

Һиндостанда бирнәләре, туй үткәрергә аҡсалары бул-мағас, байтаҡ ҡыҙҙар кейәүгә сыға алмай. Ярай ҙа каньядаан тигән йолалары бар: хәлле кеше кәләштең атаһы ролен башҡара ала. Махеш Савани атлы миллиардер быйыл 251 ҡыҙға бирнә әҙерләй, бергә йыйып, оло мәжлес итеп туй үткәрә. Был лайыҡлы әфәнде барлығы ике меңдән ашыу ҡыҙға «атай» булған.
(№ 1-2)

Был донъяла ниҙәр бар?26.12.2017

Был донъяла ниҙәр бар? Баста тигән әҙәм тураһында ишеткәнегеҙ ҙә юҡтыр әле - бортаҡ һүҙҙәр ҡулланыуҙан бер ҙә уңайһыҙланмаған рэп-башҡарыусы, йәғни көйгә һалып шиғырҙар һамаҡлаусы.
Йәштәр араһында популяр. РФ Иҡтисади үҫеш министры Максим Орешкин да йәш кеше шул (1982 йылғы) - үҙе етәкләгән министрлыҡ Яңы йыл кисәһе үткәргәндә тап шул Бастаны саҡыралар. Зал яллауға, артисҡа гонорар түләүгә, фуршет (аяғүрә ашау һәм эсеү) ойоштороуға 9,8 миллион һум дәүләт аҡсаһын һис тә йәлләмәйҙәр. Ҡаҙна хаҡына эштә күңел-сафа ҡороуҙар тыйылғас, сараны ниндәйҙер «...яңы эш алымын үҙләштереүҙең һөҙөмтәләрен йомғаҡлау кәңәшмәһе» тип атағандар, ти. Хәҙер аңлайышһыҙ һүҙҙәр күп бит. Мәҫәлән, эш урынында күмәкләп эсеп тотолғандарға «Тимбилдинг менән шөғөлләнәбеҙ», - тип аҡланып ҡарарға мөмкин. Вазифа бурыстарына инмәгән өлкәләрҙә лә коллегаларҙың бергә булыуы, тупланыуы шулай атала.
(№ 103)

Был донъяла ниҙәр бар?19.12.2017

Был донъяла ниҙәр бар? АҠШ президенты Дональд Трамп  Айҙы йәнә тикшерә башлау, кеше осороу тураһында директиваға ҡул ҡуйҙы. Уйлап ҡараһаң, ысынлап та, сәйер - башта Ер юлдашын үҙләштереү уңышлы башлана ла программа 1972 йылда тулыһынса туҡтатылған була. Әллә сит планета цивилизацияларына инаныусылар дөрөҫөн һөйләйме, йәғни, космоновтарыбыҙҙы ниндәйҙер сит көс ҡыуып ебәргән буламы? Тик шуныһы бар инде - иң ышаныслы космос караптарының моторҙары тик Рәсәйҙә яһала, ә хәҙер ике ил араһында санкциялар кәртәһе.

БР Дәүләт Йыйылышы - Ҡоролтай депутаттары федераль законға үҙгәрештәр ин-дереү тәҡдиме өҫтөндә эшләй. Баҡһаң, РФ Ғаилә кодексына үҙгәрештәр индерелеп, 2017 йылдан балаға исем биргәндә вазифа, титул, һөнәргә ишара яһаған һүҙҙәрҙе ҡулланыу тыйылды. Закон сығарыусылар «Князь мира» йә «Принцесса расцвета» кеүек «тоҙһоҙ» исемдәрҙе күҙ уңында тотһа, беҙҙә был тыйыуға инерлек Әмир, Хан, Солтандар күп. Шуға ла йолаға ингән беҙҙең «титул-исемдәрҙе» ҡалғандарҙан айырыу зарур.
(№ 101)

Был донъяла ниҙәр бар?12.12.2017

Был донъяла ниҙәр бар?Шулай итеп, 2018 йылдың февралендә Кореяла үтәсәк XXIII Ҡышҡы Олимпия уйындарына Рәсәй командаһы индерелмәйәсәк. Спортсыларыбыҙ допинг ҡулланыуҙа ғәйепләнә. «Бойкот иғлан итергә йыйынмайбыҙ, айырым спортсылар шәхсән рәүештә ҡатнаша ала», - тип белдереү яһаны РФ Президенты В. Путин. ...ошо форсат менән файҙаланып, «ҙур спорт»тан бөтөнләй баш тартыу ҙа насар булмаҫ ине, буғай. Уйлап ҡараһаң, бер-ике донъя чемпионы әҙерләүгә киткән ҡаҙна аҡсаһына нисек кенә масса спортын йәйелдереп булмаҫ ине! Күреп торабыҙ бит, үҙебеҙҙең төбәктәге йәш спортсылар ярышҡа йыйынһа, тренерҙары бағыусы эҙләп ҡаңғыра торған.

Берләшкән Милләттәр Ойошмаһындағы Америка вәкиле Ники Хейли сығыш яһаны: «Олимпиадала АҠШ йыйылма командаһы ҡатнашыу-ҡатнашмау мәсьәләһе лә әлегә хәл ителмәгән». Бында сәбәп икенсе: йәнәш кенә урынлашҡан Төньяҡ Корея менән эт һәм бесәй кеүек талашҡас, граждандарының именлеге өсөн борсолалар. Нигеҙһеҙ ҡурҡмайҙарҙыр. Төньяҡ Кореяның Сит ил эштәре министрлығы рәсми белдереү яһаны: «Сиктәребеҙ янында АҠШ һәм Көньяҡ Корея ҙур хәрби күнекмәләр үткәреүҙәре икеләнергә урын ҡалдырманы - һуғыш ҡотолғоһоҙ. Ҡасан башланыуы ғына әлегә билдәһеҙ». Хоҙай һаҡлаһын!
(№ 99)

Был донъяла ниҙәр бар?28.11.2017

Был донъяла ниҙәр бар?ЛДПР партияһы бер тауыштан РФ Прези-денты һайлауҙарына Владимир Жириновскийҙың кандидатураһын күрһәтте. Былтыр РФ Дәүләт Думаһына һайлауҙар барғанда беҙҙең районда ЛДПР партияһы 18 проценттан ашыу тауыш йыйып ғәжәпләндергәйне. Киләһе йыл нисек булыр икән, «мөхәббәт» һүрелмәгәнме? Тик бына халҡыбыҙҙың «Иртән уңмаған кис уңмаҫ, кис уңмаған һис уңмаҫ», - тигән әйтеме бар бит әле, Владимир Вольфович биш тапҡыр был посҡа дәғүә итеп ҡараны, уңышҡа өлгәшә алманы. Күрәһең, «Тейенгә тейеүе шарт түгел, шартлауы (мылтыҡ атыуҙың) - шарт», - тип эш итәлер.

«Донъя ахыры билдәләренең беленеүен күрмәһә, һуҡыр ғына күрмәйҙер!» - тип сығыш яһаны Рәсәй православие динен тотоусылар башлығы патриарх Кирилл. Һәм барыһын да иманлы булырға саҡырҙы - уларҙың тәғлимәттәре буйынса, ахырызаман ҡасан етеүе кешеләрҙең үҙҙәрен нисек тотоуҙарына бәйле икән. Шуны ла билдәләйек - патриарх Кирилдың олатаһы иерей Василий Степанович Гундяев заманында Башҡортостанда эшләп киткән икән, шуға ла баш дин әһеле республикаға айырыуса йылы ҡарашта, ти.
(№ 95)

Был донъяла ниҙәр бар?10.06.2016

Уртаса алғанда халыҡ иң етеш йәшәгән төбәктәр - Ямал-Ненец һәм Чукотка милли округтары, Мәскәү ҡалаһы. Иң хөрт - Псков өлкәһе, Дағстан республикаһы һәм Ивановск өлкәһе. Беҙҙең Башҡортостан рейтингта 40-сы килә. 85 федерация субъекттары араһында уртаса күрһәткес килеп сыға инде.

Ошо көндәрҙә Санкт-Петербург ҡалаһында «Арктика» (22220-се проект) тип аталған боҙватҡыс карап һыуға төшөрөлә. Бындай төр суднолар араһында донъяла иң ҡеүәтле һәм ҙур буласаҡ. Оҙонлоғо - 173, киңлеге - 34 метр. 2,9 метр ҡалынлыҡтағы боҙҙо анһат үтеп, йөк караптарын артынан эйәртәсәк. Рәсәй Көнбайыштан артта ҡалды, тип һөрәнләргә иртәрәктер әле!
(№ 48)

Был донъяла Ниҙәр бар29.03.2016

Рәсәйҙә йәшәйеш минимумынан да аҙыраҡ килемгә көн күреүселәр 2014 йылда 16,1 миллион булһа, 2015 йылда 19,2 миллионға еткәндәр. Ҡурҡыныс һан инде, кемдер майына сыҙаша алмай интегә, шул уҡ ваҡытта халыҡтың 13,4 проценты аҡса еткерә алмай яфалана. Иң ярлы 10 процент рәсәйлеләрҙең килеме 10 процент байҙарҙыҡынан 16,8 тапҡыр кәм (1990 йылда 4,5 тапҡыр булған). ООН классификацияһы буйынса бындай айырма социаль тотороҡлолоҡ өсөн хәүефле, артта ҡалған илдәргә генә хас. «Эш биреүселәр менән етди һөйләшеүҙәр үткәрергә тура киләсәк, юғиһә, халыҡтың һатып алыу һәләте лә, сауҙа күләме лә ҡырҡа кәмей», - тип билдәләй РФ вице-премьеры Ольга Голодец.
...дәүләт фәҡәт үҙе лә эш биреүсе, яллағандарҙы эш хаҡы менән артыҡ иркәләмәүе тураһында иҫкә төшөрөүе лә уңайһыҙыраҡ һымаҡ.
(№ 24)

Был донúяла нè´ºр бар?22.03.2016

Был донúяла  нè´ºр бар?
Ошо арала тамамланған Сириялағы Рәсәйҙең хәрби операцияһы 33 миллиард һумға төштө, тип яҡынса билдәләне РФ Президенты В.В.Путин. Тик илебеҙ был суммаға ярлыланды тип ҡарау хата булыр. Аҡса көйөнсә түгел бит: ҡулланыу ваҡыттары сыға барған ракета-бомбаларҙы барыбер үтилләштерергә кәрәк булыр ине, ғәскәрҙәргә күнекмәләр үткәреү өсөн былай ҙа яғыулыҡ һәм башҡа кәрәк-яраҡ бүленә. «Ҡоралыбыҙ полигондарҙа түгел, ысын алыштарҙа һынауҙы лайыҡлы үтте», - тип билдәләй ил башлығы. Ә сәйәси файҙа, террорсылыҡ ҡурҡынысын кәметеү тураһында әйтеп тораһы ла кәрәкмәйҙер.
(№ 22)

Был донъяла ниҙәр бар?28.10.2015

Хәйерлегә булһын, өсөнсө донъя һуғышы тураһында хәбәрҙәр йыш сыға башланы. Ниңә беҙҙең Рәсәйгә бәйләнәләр һуң? Абруйлы «Око планеты» порталы эксперттары фаразы буйынса, төп сәбәп Рәсәйҙең үҙендә түгел - көньяҡ-көнсығыш күршебеҙҙә. Фәҡәт Ҡытай йылдам үсешеп, донъяла хакимлыҡ ҡылған Америка һәм Европаны артта ҡалдыра башланы. ª Рәсәй нефть һәм газ һатыуҙы туҡтатһа, иҡтисадтары йәһәт тонсоғасаҡ. Ельцин дәүерендә генә американдарҙың «айт» тигәндәренә «тайт» тиергә әҙер илебеҙ бөгөнгө көндә ҡеүәтле һәм тыныс күршебеҙ менән хеҙмәттәшлек итеүҙән баш тартырға риза түгел. Юҡҡамы ни, Көнбайыш хәстәрләп үстергән ИГИЛ бер ҙә Американың үҙенә түгел, тәү сиратта, Рәсәй менән Ҡытайға теш ҡайрай.
(№ 124)


Материал ебәрергә

Рубрикалар


Яңылыҡтар архивы




Номерҙар архивы

Яңылыҡтар календары

«    Ғинуар 2018    »
ДшШшШршКйЙмШбЙкш
1234567
891011121314
15161718192021
22232425262728
293031 

Популяр яңылыҡтар


Ҡайҙа ҡиммәтерәк?Ҡайҙа ҡиммәтерәк?
Яңы йыл алдынан ниндәй ҡалаларҙа Ҡыш бабайҙы...

Байрамдар тыныс үтһенБайрамдар тыныс үтһен
Тиҙҙән барыбыҙҙың да яратҡан байрамы - көтөп...

Ғаилә үтәй алмаҫлыҡ бурыс бармы икән?Ғаилә үтәй алмаҫлыҡ бурыс бармы икән?
Ҡала мәҙәниәт үҙәгендә физик мөмкинлектәре...

«Ҡанат ҡуйылғандай булды», - ти ирекмән«Ҡанат ҡуйылғандай булды», - ти ирекмән
Рәсәй Президенты В. Путин «Рәсәй ирекмәне - 2017»...

Яңы йылға өмөт-ышаныстар бағлайбыҙЯңы йылға өмөт-ышаныстар бағлайбыҙ
Ҡомаҡ (1924, 1936, 1948, 1960, 1972, 1984, 1996,...


Бөтә хоҡуҡтар ҙа яҡланған. Мәҡәләләрҙе күсереп баҫҡанда һәм уларҙы өлөшләтә файҙаланғанда «Яйык» («Яик»)
гәзитенә һылтанма яһау мотлаҡ. Интернет сайттарында тура актив гиперһылтанма ҡуйырға.