» Гәзиттең номеры: 102

«Күңелдәргә дауа булһын йырҙарым»22.12.2017

«Күңелдәргә дауа булһын йырҙарым»Йәш булыуына ҡарамаҫтан, эстрадаға ышаныслы аҙымдар менән аяҡ баҫҡан йырсы Гөлназ Асаева төрлө йәштәгеләр араһында ла үҙ тамашасыһын табып өлгөрҙө.
Әсәһе, билдәле йырсы Лилиә Биктимерова менән бергә бәләкәй сағынан сәхнә күрке булған ҡыҙыҡай әлеге көндә Өфө сәнғәт училищеһында белем алыу менән бер рәттән, шәхси карьераһына ла ваҡыт таба - республика һәм күрше өлкәләр халҡын яңы концерт программалары менән һөйөндөрөп тора. Декабрь башында йәш йырсы Учалы тамашасыларын да һөйөндөрҙө. Ошо уңайҙан Гөлназға барыбыҙҙы ла ҡыҙыҡһындырған һорауҙарҙы биреп үтәйек.
 - Учалыға ниндәй уй-кисерештәр менән килдең?
- Мин башҡорт халҡын, башҡорт тамашасыһын яратам. Улар изге күңелле, ҡунаҡсыл, шуның өсөн һеҙҙең ҡалаға бөтә күңеңелем менән тартылам.
Учалы минең өсөн үҙенсәлекле ҡала, тамашасы мине бик йылы ҡабул итә. Һеҙҙә мин беренсе тапҡыр түгелмен, ата-әсәйем менән булғаным бар, хәҙер инде, үҫә төшкәс, бер үҙем килдем.
(№ 102)

Йылы һәм яҡты булһын өсөн22.12.2017

Йылы һәм яҡты булһын өсөн- Эшебеҙҙең төп маҡсаты - халыҡты электр энергияһы менән өҙлөкһөҙ тәьмин итеү. Авариялар булмаһын өсөн тырышып эшләйбеҙ. Шуға ла предприятиелағы хеҙмәткәрҙәр етди әҙерлекле, юғары квалификациялы, тәжрибәле, - ти «Учалы электр селтәрҙәре» йәмғиәтенең баш инженеры Илдар Мөрсәлимов. Предприятие трансформаторлы подстанцияларҙы, һауа һәм кабель линияларын хеҙмәтләндерә. Абоненттарҙы электр селтәрҙәренә тоташтырыу ҙа улар иңендә.
Коллективта йөҙгә яҡын кеше эшләй. Һәр ҡайһыһы юғары һөнәри талаптарға яуап бирә. Һеҙ фотола күргән уҙамандар Абдулла Саримов (һулда), Вәкил Әхмәтшин һәм Дмитрий Мануйлин предприятиела тәжрибәле белгестәрҙән һанала. Әлеге мәлдә улар Рудникта күләмле эштәр алып бара.
(№ 102)

Гастарбайтерҙарҙы саҡырайыҡмы?22.12.2017

Гастарбайтерҙарҙы саҡырайыҡмы?Учалы тегеү фабрикаћының учредителе - «Өфө эш кейемдәре тегеү комбинаты» ябыҡ акционерҙар йәмғиәте.
Ул Рәсәйгә үткәрелгән төрлө тендерҙәрҙә ҡатнашып, аукциондарға еңеп, иң ҡатмарлы фасон һәм моделдәргә Учалы тегеү фабрикаћына тапшыра.


Эш алымы - яңыса
Предприятие юғары технологиялы тегеү, бесеү, сигеү ҡорамалдары менән тулыландырылған. Хеҙмәткәрҙәр «Джуки», «Sunstar» һәм «Гербер» фирмаларында етештерелгән автомат һәм ярым автомат тегеү машиналарында, шулай уҡ компьютерлаштырылған бесеү комплекстарында эшләйҙәр.
Бөгөнгө көндә фабрикала һигеҙ йөҙ ҡатын-ҡыҙ хеҙмәт итә, уларҙың 120-һе декрет ялында. Ауылдан да йөрөп эшләйҙәр. Әлеге көндә 180 кеше Ураҙ, Ҡунаҡбай, Ахун, Бөйґө ауылдарынан эшкә килә. Транспорт мәсьәләһе хәл ителгән. Махсус автобус барып ала, эштән һуң ауылдарына илтеп ҡуя. Йөрөп эшләүсе гүзәл заттар эш шарттары менән ҡәнәғәт.
(№ 102)

Фотофакт22.12.2017

ФотофактСираттағы «Аҙна һайын приз» лотерея уйынында бәхет Ҡотойҙан Маһира Йәркәеваға йылмайҙы. Уға бүләккә сәйнүк эләкте.
Маһира Абдулла ҡыҙы тиҙҙән, Аллаһ бирһә, оло юбилейын - 85 йәшен туйлаясаҡ. Ҡырҡ йылдан ашыу ғүмерен уҡытыусы булып эшләгән. Биш бала әсәһе. Бөгөнгө көндә 11 ейән-ейәнсәре, 12 бүлә-бүләсәре бар.
Бүләкте үҙе килеп алырға форсаты сыҡмағас, сәйнүкте уның ҡыҙы Гөлсирә Ғәлимйән ҡыҙы Сафинаға тапшырҙыҡ. Ихлас күңелдән ҡотлайбыҙ!
(№ 102)

Балҡып китте мәҙәниәт йорто22.12.2017

Балҡып китте мәҙәниәт йортоКапиталь ремонт үткәндән һуң тантаналы рәүештә Иманғол мәҙәниәт йорто асылды.
«Урындағы инициативаларға булышлыҡ итеү» программаһы сиктәрендә башҡарылған эштәр тураһында гәзиттә яңыраҡ яҙғайныҡ инде. Ярты быуатҡа яҡын элек төҙөлгән бина бөтөнләй яңырып ҡалды: тамашасылар залы, сәхнә ремонтлана, яңы урындыҡтар, ишектәр ҡуйыла, йылытыу радиаторҙары алмаштырыла. Спорт залында - яңы иҙән һәм тәҙрәләр.
Икенсе ҡаттағы кабинеттар ҙа төҙөкләндерелә, оҙаҡламай бында балалар музыка мәктәбенең күсеүе көтөлә.
- Бар ауылдаштарға рәхмәт, - ти клуб мөдире Рәмил Әхмәтйәнов. - Мәҙәниәт йортона элек инерлек түгел ине бит - һыуыҡ, иҫке, ҡотһоҙ. Ремонт кәрәк тип һүҙ сығарғас, тәҡдимде хупланылар, һәр йорттан алты йөҙ һум аҡса йыйылды.
Рәмил Ғәли улын, БР атҡаҙанған физик культура хеҙмәткәре һәм танылған тренер булараҡ, спорт залының яңырыуы айырыуса ҡыуандыра. «Көрәшкәндә берәй спортсы ҡаршылашын күтәреп матҡа бәргәндә, икеһе лә серек иҙәнде емереп аҫҡа төшмәһен, тип ҡурҡа торғайным, - ти ул. - Хәҙер ни, йән рәхәте, милли көрәш секцияһына йөрөүселәр тағы артыр, тип уйлайым. Тейешле шарттар булһа, йәш быуынды компьютерҙа артыҡ ултырыуҙан да, заман боҙоҡлоҡтарынан да арындырыу еңелерәк».
(№ 102)

Бер тарихҡа ике ҡараш23.12.2016

Минең ҡулымда ошо ва-ҡиғаларҙа туранан-тура ҡат-нашҡан ике шәхестең үҙ ҡул-дары менән теркәгән тарихи мәғлүмәттәре: 1-се Башҡорт кавалерия полкы командиры Муса Мортазиндың «Башкирия и башкирские войска в гражданскую войну» китабы һәм Смоленск полкының 1-се батальоны ҡыҙылармеецы Ф.В. Костевичтың Билал мәк-тәбе уҡытыусыһы Әминев Сә-лимйән Фәхрислам улына 1967 йылда яҙған хаттары.
Костевич Федор Васильевич 1898 йылдың 18 ғинуарында Бобруйск ҡалаһында (Белорус ССР-ы) тыуған, милләте - белорус. Бобруйск ҡалаһы училищеһын тамамлағас, 1916 йылда хәрби хеҙмәтен 9-сы пехота полкы составында Рославль ҡалаһында башлай. 1917 йылдың февралендә полк Беренсе Донъя һуғышы фронтына оҙатыла. Сентябрь айында полк большевиктар агитацияһына ныҡлап бирелеү сәбәбе менән Минск ҡалаһы янында резервҡа күсерелә. 1917 йылдың ноябрендә Себер казак дивизияһы составындағы полк-тар өйҙәренә таратыла.
(№ 102)

Сәйлән оҫтабикәһе23.12.2016

Сәйлән оҫтабикәһеЗәлифә Мөбәрәкова өйөндә гөлдәр йәйен-ҡышын сәскәгә күмелеп ултыра, ағастар йыл әйләнәһенә йәшел япрағын ҡоймай. Ҡул йылыһы һалынып эшләнгән был ижадтар тере үҫемлектәрҙән һис ҡалышмай, сағыу һәм матур. Сөм һауыт тулған меңләгән ваҡ сәйләндәрҙе (бисер), уларҙан яһалған күп тажлы сәскәләрҙе, һалынып төшкән япраҡлы ағастарҙы күргәс: «Был эш менән булыр өсөн күпме түҙемлек кәрәк!» - тигән аптырау ҡатыш һоҡланыу тойғоһо кисерәһең. «Тәү ҡарашҡа ғына ауыр күренә ул. Ә ысынбарлыҡта бик мауыҡтырғыс шөғөл», - ти Зәлифә Ғилметдин ҡыҙы беҙҙең кисерештәрҙе аңлап.
Мәҡәлә геройыбыҙ сығышы менән Рысай ауылынан. Иманғолда йәшәй. Оҙаҡ йылдар балалар баҡсаһында хеҙмәт иткән. Дүрт бала әсәһе. Ҡыҙы Рита Силәбе өлкәһенең Нөғәйбәк районында төпләнгән, педиатр булып эшләй, ике ҡыҙ үҫтерә. Альбина тау-байыҡтырыу комбинатында хеҙмәт итә, әлеге көндә икенсе улы менән декрет ялында. Нил улы - сауҙа нөктәһендә менеджер, Айнур - тау сәнәғәте колледжының 2-се курс студенты.
Өлгөр хужабикә ҡул эштәре менән элек-электән мауыға.
(№ 102)

Һаулығың үҙ ҡулыңда02.09.2014

Һаулығың үҙ ҡулыңдаШәмбе көнө Ленин майҙанында аҡ халатлыларҙы күреп күптәр аптырашта ҡалғандыр, моғайын. Белеүебеҙсә, был көндө ҡала майҙанында «Сәләмәтлек көнө» уҙғарылды.

Район хакимиәте тарафынан ойошторолған акцияла халыҡ дәррәү ҡатнашты. «Был көндө уҙғарыу ни өсөн кәрәк?» тигән һорауға яуап бар: кеше үҙенең тормошонда сәләмәтлектең ниндәй мөһим урын алыуын аңлаһын өсөн. Ә һаулыҡ һаҡлау учреждениелары кешеләрҙең сәләмәтлеге яҡшыраҡ булһын өсөн нимә эшләргә кәрәклеген хәстәрләргә, хәл итергә бурыслы.
Акция барышында халыҡҡа үҙәк ҡала дауаханаһы белгестәренә күренеү мөмкинлеге булдырылғайны. Майҙан уртаһына ҡуйылған палаткаларҙа табиптар ҡабул итеүҙәр ойошторҙо.
(№ 102)

Кем бәхетле?02.09.2014

Тышта йәйге төн. Баҡсала сиңерткәләр сырылдаша. Cирендең хуш еҫтәре асыҡ тәҙрәнән бүлмәгә инеп тарала. Ә һауала йым-йым килеп йондоҙҙар серле йылмайыша.

Тик бөгөн Мөнирә инәйҙе ниңәлер йоҡо алманы. Ары әйләнде, бире әйләнде, уйҙарға сумды. Мөнирә инәй тороп, тәҙрә эргәһенә килеп баҫты. «Ниндәй сихри төн. Һандуғастар йыры, йәшлек... Бар ине бит күңелле саҡтар…» Тәҙрәнән иҫкән йылы ел уның сал төшкән көмөш сәстәрен туҙҙырҙы. Уйҙары бала саҡҡа әйләнеп ҡайтты.
Мөнирә әле бәләкәй саҡта уҡ атаһы һуғышҡа киткәйне. Ауылда атайһыҙ аслы-туҡлы йәшәгән ғаиләләр ул ваҡытта күп булды. Үҙенән бер нисә йәшкә өлкән ағаһын ҡыҙыҡай бик яратты. Уның менән бергә быҙау көтөүен көтөргә йөрөй торғайнылар. Бер көн шулай, быҙауҙарҙы йылға буйына килтерҙеләр ҙә, яр буйына ултырҙылар. Аръяҡта кишер баҫыуы. Унда Мөнирәнең әсәһе ҡарауылсы булып эшләй. Закир туғанына боролдо ла:
- Әйҙә, әсәйемдән кишер һорап алайыҡ, - тине.
- Юҡ, бригадир күреп ҡалһа, әрләр.
(№ 102)

Һаҡланғанды Һаҡлар…02.09.2014

Һаҡланғанды Һаҡлар…Яңы Рәсәй тарихында иң аяныслы, иң мәрхәмәтҺеҙ фажиғәгә 10 йыл үтте. Төньяҡ Осетияның Беслан ҡалаҺында шатланып, ҡупшы кейенеп, тормошҡа яҡты хыялдар ҡороп, Белем байрамына йыйылған балаҡайҙарҙы кешелек фиғелен юйған террорсылар аманатлыҡҡа алғайны. Һис ғәйепҺеҙ 1128 уҡыусы Һәм оло кешенең ғүмерҙәре хәүеф аҫтына ҡуйыла. ҺөҙөмтәҺе билдәле инде - 334 кеше, шул иҫәптән 186 сабый Һәләк булды….

Аҡыллыға - ишара, тигәндәй, беҙгә лә бер ваҡытта ла уяулыҡты юғалтырға ярамай. Янғын хәүефҺеҙлеге ҡағиҙәләре тураҺында гәзитебеҙҙә йыш яҙабыҙ, был тапҡырҙа «Көндәлек эшмәкәрлек шарттарында хеҙмәткәрҙәрҙең Һәм уҡыусыларҙың именлеген, террорҙан Һаҡланыуын тәьмин итеү буйынса дөйөм белем биреү учреждениеҺы етәксеҺенә инструкция»нан өҙөктәр килтереп китеү урынлы булыр:
- билдәләнгән хеҙмәткәр көн Һайын учреждениеның бөтә бина-биләмәләрен ҡарап тикшереп йөрөргә тейеш;
- шикле, урында теркәлмәгән граждандарҙы ремонт Һәм техник хеҙмәтләндереү эштәренә йәлеп ителеүгә юл ҡуйылмай, бындай эштәрҙең барышын мәктәп администрацияҺы вәкиле күҙәтеп тора;
(№ 102)


Материал ебәрергә

Рубрикалар


Яңылыҡтар архивы




Номерҙар архивы

Яңылыҡтар календары

«    Ғинуар 2018    »
ДшШшШршКйЙмШбЙкш
1234567
891011121314
15161718192021
22232425262728
293031 

Популяр яңылыҡтар


Ҡайҙа ҡиммәтерәк?Ҡайҙа ҡиммәтерәк?
Яңы йыл алдынан ниндәй ҡалаларҙа Ҡыш бабайҙы...

Байрамдар тыныс үтһенБайрамдар тыныс үтһен
Тиҙҙән барыбыҙҙың да яратҡан байрамы - көтөп...

Ғаилә үтәй алмаҫлыҡ бурыс бармы икән?Ғаилә үтәй алмаҫлыҡ бурыс бармы икән?
Ҡала мәҙәниәт үҙәгендә физик мөмкинлектәре...

«Ҡанат ҡуйылғандай булды», - ти ирекмән«Ҡанат ҡуйылғандай булды», - ти ирекмән
Рәсәй Президенты В. Путин «Рәсәй ирекмәне - 2017»...

Яңы йылға өмөт-ышаныстар бағлайбыҙЯңы йылға өмөт-ышаныстар бағлайбыҙ
Ҡомаҡ (1924, 1936, 1948, 1960, 1972, 1984, 1996,...


Бөтә хоҡуҡтар ҙа яҡланған. Мәҡәләләрҙе күсереп баҫҡанда һәм уларҙы өлөшләтә файҙаланғанда «Яйык» («Яик»)
гәзитенә һылтанма яһау мотлаҡ. Интернет сайттарында тура актив гиперһылтанма ҡуйырға.