» Гәзиттең номеры: 39

Таусылар һынатманы19.05.2017

Таусылар һынатманы11-13 май тау сәнәғәте колледжында урта һөнәри уҡыу йорттары студенттары араһында «Иң яҡшы таусы-2017» халыҡ-ара һөнәри оҫталыҡ конкурсы үтте. Буласаҡ тау сәнәғәте белгестәре өсөн тәғәйенләнгән бындай төрҙәге ярыш Рәсәй буйынса тәү тапҡыр 2014 йылда Учалыла уҙғарыла башлағайны. 2015 йылда ул төбәк-ара, 2016 йылда бөтә Рәсәй олимпиадаһы статусын алды. Ҙур башланғысты тап учалыларҙың күтәреп сығыуына колледждың илдә иң яҡшыларҙан һаналған ныҡлы матди-техник базаһы мөмкинлек бирҙе.
(№ 39)

Йәшәйексе көлөп, йылмайып03.04.2014

Бер рәхәттең бер михнәте була,
Михнәттән һуң көтә рәхәте.
Күргән михнәт күпме ҙурҙан булһа,
¥ураялыр уның рәхәте.
Рәхәт саҡта осоп-ҡунып йөрөп
Һиҙмәйбеҙ ҙә уның барлығын.
Михнәт килеп үҙен белдергәндә,
Барлайбыҙ беҙ үткән ҡайғыны.
Яҡшылыҡты шундуҡ онотабыҙ,
Йәки уны бар тип белмәйбеҙ.
Яманлыҡты хәтер һандығының
Түренә үк һалып бикләйбеҙ.
Бер көн ошо һандығыбыҙ тулып,
Вулкан төҫлө шартлап ярылғас,
Күҙ йәштәре ниңә? - ғәйеп беҙҙә -
Яманлыҡты артыҡ күп йыйғас…
Нишләп әле беҙгә рәхәт мәлдә
Текмәҫкә һуң шатлыҡ тоҡсайын.
Яҡшылыҡты барлап, шунда йыйнап,
Йәшәмәҫкә көлөп, йылмайып?!
(№ 39)

Әллә нисек булды быйылғы яҙ03.04.2014

Әллә ниңә, үс иткәндәй һымаҡ
Һуңлап килде быйыл яҙы ла.
Ялҡауланып ҡына иреп бөттө
Ҡыш буйына яуған ҡары ла.
Ҡар һыуы ла ғәҙәттәге һымаҡ
Шатлыҡ килтермәне Яйыҡҡа -
Инеп юғалдылар ярыҡҡа.
Көтмәгәнсә булды март айы ла,
Йолаһынан никтер ситләште.
Аҡман-тоҡманына ирек ҡуйып,
Һуңғы көнөнәсә этләште.
Торналар ҙа никтер һуңлап килде,
Сыйырсыҡтар күптән ҡайтһа ла.
Көндәре лә һаман һалҡын тора,
Умырзая сәскә атһа ла.
(№ 39)

Хеҙмәтендә - хөрмәте03.04.2014

Хеҙмәтендә - хөрмәтеӘсәй. Уҡытыусы. Был ике һүҙ бер тамырҙан булмаһа ла, донъялыҡтағы вазифалары бер үк нигеҙҙән. Әсәйҙәр беҙгә яҡты донъя бүләк итеп, тәүге һүҙҙәрҙе өйрәтеп, әҙәп-әхлаҡ дәрестәрен биреп, оло тормош юлына аяҡ баҫтырһа, уҡытыусылар белем донъяһына етәкләп алып инә, уҡырға, яҙырға өйрәтә, киләсәккә белемле, һөнәрле кешеләр итеп әҙерләй. Әҙәм балаһы бер ваҡытта ла уҡыуҙан, өйрәнеүҙән, камиллашыуҙан туҡтамай. Фән серҙәренә төшөнәме ул, ғилем тауҙарына үрләйме - янында һәр саҡ остаз булырлыҡ уҡытыусылары йәнәш килә.

Мин икеләтә уңдым, сөнки әсәйем - уҡытыусы!
Әсәйем Минзәлә Фуат ҡыҙы Ҡужакова Учалы районының донъяға бик күп данлы шәхестәр биргән Сораман ауылында тыуып үҫә. 1975-1979 йылдарҙа Белорет педагогия училищеһында белем ала. Һуңынан ситтән тороп Башҡорт дәүләт педагогия институтын тамамлай. Тормош юлы Ҡалҡан ауылы егете Фәнил Фәррәх улы Ҡужаков менән осраштыра, һәм яҙмыштарын мәңгелеккә бергә бәйләйҙәр. Шулай итеп, әсәйем хеҙмәт юлын Ҡалҡан ауылы мәктәбендә башлап ебәрә: башланғыс класс уҡытыусыһы, директор урынбаҫары, мәктәп директоры булып эшләй.
(№ 39)

Яңы өмөт, яңы дәрт менән03.04.2014

Яңы өмөт, яңы дәрт менән2014 йыл башланып өлгөрмәне, мөхәрририәткә гәзит уҡыусыларҙан хаттар килә лә башланы. Дуҫтарыбыҙҙың беҙгә тоғро ҡалыуҙары оло кинәнес. Тәүге кварталда бөтәһе 101 хат ҡабул ителде (2013 йылда - 92). Уларҙың күбеһе донъя күрҙе. Ҡайһы бер хаттар эшкәртелгән, баҫмала үҙ сиратын көтөп ята. Авторһыҙ материалдар һәм теге йәки был сәбәп менән баҫырға мөмкинлегебеҙ булмағандары архивҡа йүнәлтелде.

Мәҙәниәт йылы айҡанлы ҡала һәм район клубтары, мәҙәниәт йорттары, китапханалар эшмәкәрлеге әүҙемләште. Аҙна һайын тиерлек төрлө саралар, байрам-концерттар үтеп тора, ауыл халҡы, мәҙәниәт хеҙмәткәрҙәре улар хаҡында яҙып килтерә. Был, әлбиттә, яҡшы күренеш, әммә һуңғы арала хаттарҙың башлыса бер төрлө булыуы күҙәтелә. Уларҙың күпселеге «фәлән ауылда фәлән сара үтте, түбәндәге кешеләр ҡатнашты, ойоштороусыларға, матди яҡтан ярҙам итеүселәргә рәхмәтлебеҙ» тиеүгә ҡайтып ҡала, хаттарҙың тәрәнлеге, йөкмәткеһе һайыны.
(№ 39)

Һәр кемдең үҙ шөғөлө03.04.2014

Һәр кемдең үҙ шөғөлөАуыл хакимиәте башлыҡтарының күсмә семинары Илсе ғәм Сәфәр ауыл Советтары биләмәләрендә үтте. Унда ҡатнашыусылар тәүҙә Илсе мәҙәниәт йорто менән танышты. Бында 2013 йылда ремонт үткәрелеп, иҫке тәҙрәләр евроға алыштырылған, йылылыҡ селтәрҙәре лә яңыртылған. Косметик ремонтты йыл һайын мәҙәниәт йорто хеҙмәткәрҙәре үҙ көсө менән атҡара. 45 йыл элек төҙөлгән клуб яәшы хәлдә.

Семинарҙа БР-ҙың Гостехнадзор инспекцияһы начальнигы Ринат Ғәлимов та ҡатнашты.
- Барлыҡ үҙйөрөшлө техниканың 75%-ты шәхси секторға тура килә. Район буйынса 1420 трактор, 410 прицеп иҫәпләнә. Әлегә тракторҙарға техник ҡарау - 54, прицептарға 50% тәшкил итә. Техниканың һәм кешеләрҙең хәүефһеҙлеген иҫкәртеү маҡсатында был күрһәткесте 90%-ҡа еткерергә кәрәк, - тине дәүләт инспекторы. Был йүнәлештә ул ауыл хакимиәте башлыҡтарының ярҙамына ла өмөтләнә.
(№ 39)

«Һарығош» алға әйҙәй03.04.2014

«Һарығош» алға әйҙәй18-28 июндә Һамар өлкәһендә «Һарығош-2014» йәштәр форумы үтәсәк. Уҙған йылда был форумда Башҡортостандан 100 кеше ҡатнашты, республикабыҙ тәҡдим иткән 6 проект грант яуланы. Быйыл форум ялан лагеры режимында ойоштороласаҡ, унда 2200 йәш кеше ҡатнашасаҡ, тип планлаштырыла.

Программала уҡыуҙар, йәштәр проекттары конвейеры, мәғариф программалары презентацияһы, тренингтар, мастер кластар, «түңәрәк» өҫтәлдәр, осрашыуҙар, слеттар, фәнни һәм мәғариф конференциялары, күргәҙмәләр, төрлө йәрминкәләр һәм башҡа саралар ойоштороу күҙаллана.
Ҡатнашыусылар форумға ағымдағы йылдың 1-13 майына тиклем проект заявкалары конкурсы нигеҙендә һайлап алынасаҡ. Заявкаларҙы форумдың рәсми сайтына (http://ivolgaforum.ru) урынлаштырырға кәрәк.
(№ 39)

Ришатты онотмайбыҙ03.04.2014

Ришатты онотмайбыҙМарт аҙаҡтарында хәҙер инде 6-сы тапҡыр «Курск» субмаринаһында хәрби бурысын үтәгәндә һәләк булған Ришат Зөбәйҙуллин иҫтәлегенә дзю-до буйынса турнир-мемориал үтте. Межозерный ҡасабаһында 130-лап йәш көрәшсе көс һынашты.

Шәхси беренселектә үҙ йәше һәм ауырлыҡ категорияларында түбәндәге яҡташтарыбыҙ чемпион исемен яуланы: Азалия Заманова, Арсен Камалов, Ярослав Щербаков, Рауил Дауышев, Руслан Сәлимов, Алена Васильева, Данир Хөснуллин, Әмир Шәрипов, Рөстәм Хәлилов, Динар Мөхәмәтов, Жураб Шадимахматов, Артур Сәлихов, Кирилл Боярских, Алмас Солтанов, Нургиз Камалетдинов, Линар Хажин, Илдар Дәүләтшин, Илдар Сафин, әзиз Солтанбаев. Ярыштың иң яҡшы көрәшселәре тип А.Камалов, А.Васильева һәм Н.Камалетдинов танылды, улар айырым кубоктар менән билдәләнделәр.
Учалы тау-байыҡтырыу комбинаты бөтә йәш спортсыларҙы татлы приздар менән дәртләндерҙе.
Учалы районын тренерҙар Ирина Харисова, Александр Шумков, Илья Моратшин, Фәһим Шакиров, Александр Воронцовтарҙың өйрәнсектәре вәкилләне.
Ҡотой клубы егеттәренең 6 беренсе урын алыуҙары символик булып күренде - Ришат Зөбәйҙуллиндың ата-бабалары 1927 йылда Ишембайҙан Учалы яҡтарына күсеп килгәс, тәүҙә тап Ҡотой ауылына төпләнгән булалар бит. Аҙағынан ғына Урал ауылын нигеҙләйҙәр.
(№ 39)

Ҡыш китергә ашыҡмай03.04.2014

Ҡыш китергә ашыҡмайЯҙһылыу әкренләп булһа ла үҙенең хоҡуғын белдерә. Урамдарҙан гөрләүектәр аға, ҡыйыҡтарҙан тамсы тама.
Миҙгел алмашыныуы айырыуса уҙған аҙнала ныҡ һиҙелде, һауа температураһы ҡайһы бер көндәрҙә 11 градусҡа тиклем күтәрелде, Мәскәүҙә 20 градусҡаса йылытты, халыҡ, хатта, футболкала йөрөй башлағайны. Ләкин иртә ҡыуанғанбыҙ, уҙған аҙнала термометр бағанаһы кинәт түбән төштө. Яуым-төшөм күп булды. Көн һайын тиерлек ҡар бураны уйнай.


Учалы метеостанцияһы начальнигы Гүзәл Хәзипова әйтеүенсә, мартта уртаса ҡар ҡалынлығы 45 миллиметр тәшкил иткән, норма - 16 миллиметр. Һауа температураһы уртаса минус 3,4 градус булған, норма буйынса минус 7,3 градус булырға тейеш, йәғни март ғәҙәттәгенән йылыраҡ килгән. Насар һауа торошо алдағы көндәрҙә лә һаҡланасаҡ. Шуға күрә йорт ҡыйыҡтарындағы ҡар өйөмдәре, боҙбармаҡтар ишелеп төшөүе ихтимал. Белгестәр йәйәүлеләрҙе иғтибарлы булырға саҡыра. Ә руль артындағыларға юл хәрәкәте ҡағиҙәләрен теүәл үтәү шарт.
(№ 39)


Материал ебәрергә

Рубрикалар


Яңылыҡтар архивы




Номерҙар архивы

Яңылыҡтар календары

«    Ноябрь 2017    »
ДшШшШршКйЙмШбЙкш
 12345
6789101112
13141516171819
20212223242526
27282930 

Популяр яңылыҡтар


Агроном -  ул ер  табибыАгроном - ул ер табибы
«Кем дә кем, бер башаҡ үҫкән ерҙә тағы берҙе...

Нисек йәшәйһең, өкө?Нисек йәшәйһең, өкө?
Ҡыҙыҡ, әгәр ҙә төнгө һунарсы Өкө әфәндегә, йә,...

Намыҫ менән эшләйҙәр һәм йәшәйҙәрНамыҫ менән эшләйҙәр һәм йәшәйҙәр
Байрамғолдар ашлыҡ һуғыу, һөт һауыу буйынса элек...

Бер нөктә - УчалылаБер нөктә - Учалыла
Рус география йәмғиәтенең Башҡортостан ...

ФотофактФотофакт
Сираттағы «Аҙна һайын приз» лотерея уйынында...


Бөтә хоҡуҡтар ҙа яҡланған. Мәҡәләләрҙе күсереп баҫҡанда һәм уларҙы өлөшләтә файҙаланғанда «Яйык» («Яик»)
гәзитенә һылтанма яһау мотлаҡ. Интернет сайттарында тура актив гиперһылтанма ҡуйырға.