» Гәзиттең номеры: 93

Йәшлек саялығы һағындыра21.11.2017

Йәшлек саялығы һағындыраРәйхана Байдәүләтова менән осраҡлы рәүештә таныштыҡ - «Яйыҡ» гәзите үткәргән лотереяла тап уға бәхет йылмайҙы.
Бүләк әллә ни ҙур булмаһа ла, апай ихлас күңелдән шат-ланыуы менән барыбыҙҙы ла арбаны. Туғыҙ тиҫтәне түңәрәкләһә лә, һаман теремек, зәңгәр күҙле инәй үҙенә ҡарата ҡыҙыҡһыныу уятты.

Рәйхана Вәлиәхмәт ҡыҙы 1927 йылдың май айында Ҡоҙаш ауылында ишле ғаиләлә икенсе бала булып донъяға килә. Апай булараҡ әсәһенә бәләкәс туғанда-рын ҡарашып, ярҙамлашып үҫергә тура килә. Тайсын ауылындағы мәктәптә белем ала. Бөтәһе лә ал да гөл барған саҡта ҡәһәрле һуғыш имен тормошто селпәрәмә килтерә.
- Һуғыш башланған көндө бөгөнгөләй хәтерләйем, - ти инәй. - Бөтә ауыл менән бесәндә инек. Ҡурҡыныс хәбәрҙе ишеткәс китте сыр-сыу, илау-һыҡтауҙар. Бер көндө ауылдағы бөтә ир-атты ылау-ылау аттарға ултыртып алып киттеләр. Шул китеүҙән күптәре кире ҡайта алманы...
Бөйөк Ватан һуғышы башланғанда ун өс йәш-лек кенә ҡыҙҙың һәм уның тиҫтерҙәренең иңенә бөтә ир-ат эше төшә. Улар ал-ял белмәй колхозда эшләйҙәр, иген үҫтерәләр, уны утайҙар, аҙағынан бесән әҙерләү башлана. 50 сутый ер сапһаң, күпмелер һоло бирәләр, ул бешкәс ус аяһындайға ғына тороп ҡала, ти. Бесән өйөп бөтөүгә ураҡ башлана. Ҡуна ятып эшләйҙәр.
(№ 93)

Идаралыҡ нығытыла21.11.2017

Идаралыҡ нығытылаБашҡортостан Республикаһы Башлығы Рөстәм Хәмитовтың ҡарары менән Азат Йыһаншин БР Ветеринария идаралығы начальнигы итеп тәғәйенләнде.
Күренекле яҡташыбыҙҙың хеҙмәт биографияһына ҡыҫҡаса байҡау яһайыҡ.

Азат Салауат улы 1973 йылда Иманғол ауылында тыуа. Башҡорт дәүләт аграр университетының ветеринария факультетын тамамлай.
1995-2000 йылдарҙа - ветфельдшер, «Коммунар» ауыл хужалығы производство кооперативының баш ветеринар табибы.
2004 йылға тиклем Учалы ветеринария станцияһында эшләп ала ла, «Ирәмәл» ат спорты комплексы директоры итеп тәғәйенләнә.
Эшлеклелек һәм ойоштороу һәләтен күрһәткәс, райондың баш зоотехнигы, ауыл хужалығы бүлеге начальнигы урынбаҫары итеп үрләтелә. 2007-2009 йылдарҙа - район хакимиәте башлығының 1-се урынбаҫары - ауыл хужалығы бүлеге начальнигы. 2010 йылға тиклем Учалы районы хакимиәте башлығы вазифаһын башҡарҙы. Һуңынан - БР Ауыл хужалығы министры, министрҙың 1-се урынбаҫары.
(№ 93)

Был донъяла ниҙәр бар?21.11.2017

Был донъяла ниҙәр бар? Рәсәй Фән академияһында олпат ғилми конференция үтте, илебеҙ баҙар иҡтисадына күсерелеүҙең 25 йыллығы барлана. Ғалимдар сәйәсәт-пропагандаға бирелмәй ысынын бәйән итәләр. Мәҫәлән, РСФСР менән сағыштырғанда әлеге Рәсәйҙә инвестициялар күләме 10-15 процентҡа кәм икән. Экспорттың 80 процентын (!) яғыулыҡ һәм сеймал тәшкил итә. Иҡтисад (эске тулайым продукт етештереү) үҫеү түгел, һуңғы йылдарҙа даими рәүештә кәмей. Академик Руслан Гринбергтың мәғлүмәттәре буйынса, баҙар иҡтисадына күсеүҙән Рәсәйҙең 25 процент халҡы ғына матди хәлдәрен яҡшырта, ҡалғандар - отола.

Рәсәй олигархы Дмитрий Рыболовлев донъя рекорды ҡуйҙы: Америка аукционында уның милкендәге «Донъяны ҡотҡарыусы» картинаһы быға тиклем бер тапҡыр булмаған юғары хаҡҡа - 450 миллион долларға һатылды. Ғайса пәйғәмбәрҙең был һүрәтен Леонардо да Винчи төшөргән. Шуныһы ла ҡыҙыҡ - картина икенсе авторҙыҡы тип уйлаған ваҡытта 45 фунтҡа ғына (1 фунт - 80 һум самаһы) баһаланған була, хәҙер ни, ниндәй бөйөк сәнғәт ҡомартҡыһы, тип барыһының да һыны ҡатҡан була.
(№ 93)

Ләйсән өсөн тауыш бирәйек21.11.2017

Ләйсән өсөн тауыш бирәйекЯңы Байрамғол ауылында йәшәүсе туғыҙ йәшлек Ләйсән Золотареваны йәкшәмбе көнө «Россия 1» каналында «Зәңгәр ҡош» проектындағы сығышын күптәр ҡарағандыр, моғайын.
Ғөмүмән, яҡташыбыҙҙы үҙәк каналдарҙың береһендә күреү минең өсөн сикһеҙ ғорурлыҡ ине. «Оркестр» ҡыҙыҡай «Урал батыр» эпосынан өҙөктө русса ятлап ишеттергәндән һуң, зал тултырып башҡортса «Сыңрау торна»ны яңғыратты, торна тауыштарын сығарыуы айырыуса хайран ҡалдырҙы.
Ләйсән дейеү образына инеп эпосты һөйләй башлағас, тамашасылар шып-шым ҡалды, күренекле артистар, жюри ағзалары Денис Мацуев, Николай Циска-ридзе, Светлана Безродная, Олег Погудин иҫтәре китеп ҡыҙҙы күҙәтте.
Конкурс дауам итә, яҡташыбыҙҙың финалға үтеүенә беҙ ҙә булышлыҡ итә алабыҙ. Хәтерегеҙгә төшөрәбеҙ, һәр программа сыҡҡандан һуң  PTICA.TV сайтында тамашасылар өсөн тауыш биреү уҙғарыла. Тапшырыу эфирға сыҡҡандан һуң аҙна дауамында оҡшаған ҡатнашыусы өсөн тауыш бирергә мөмкин. Теләгән һәр кем бер IP-адрестан биш тапҡырға тиклем тауыш биреү мөмкинлегенә эйә.
Ҡатнашыусы өсөн смс-хәбәр ярҙамында ла тауыш бирергә мөмкин. Бының өсөн кеҫә телефонынан 1075 һандарына тауыш бирергә теләгән ҡатнашыусының тәртип һанын ебәрергә кәрәк. Тамашасыларҙың «он-лайн» һәм смс-хәбәр аша ебәргән тауыштары бергә иҫәпләнә.
Беҙҙең хәбәрсе.
(№ 93)

Гәзитебеҙ дуҫтарын йыйҙы21.11.2017

Гәзитебеҙ дуҫтарын йыйҙыЙәнә «Яйыҡ» гәзите призына «Атай, әсәй һәм мин - спорт ғаиләһе» фестивале гөрләп үтте.
Әйтергә кәрәк, быйыл фестиваль программаһы тулыһынса үҙгәртелде. Сара бик ҡыҙыҡлы, үҙенсәлекле булды һәм башлыса, спорт менән профессиональ ки-мәлдә шөғөлләнмәгән ябай ғаиләләргә иҫәпләп ҡоролдо.
Һәммәһе ун алты команда йыйылды. Улар араһында ярыштарҙа даими ҡатнашҡан күптәнге таныштар менән бергә яңы йөҙҙәрҙе лә күреп ихлас һөйөндөк. «Учалы мәғлүмәт үҙәге» етәксеһе - гәзитебеҙҙең баш мөхәррире Фәнисә Әнүәр ҡыҙы Таһированың сәләмләү һүҙҙәренән һуң, Рәсәй һәм Башҡортостан флагтары күтәрелде, дәүләт гимндары яңғыраны.
«Иртәнге гимнастика» - шулай аталды тәүге конкурс. Ысынлап та, ул ҡатнашыусыларҙа ярыш рухын уятып, күңелдәрен дәртләндереп ебәрҙе.
(№ 93)

Йәнә бер гөрләп үтте22.11.2016

Йәнә бер гөрләп үтте«Яйыҡ» гәзите призына «Атай, әсәй һәм мин - спорт ғаиләһе» фестивале йәнә бер гөрләп үтте. Спорт байрамының баҫмабыҙҙың 25 йыллыҡ юбилейына арналыуы бик мәртәбәле булды. Әйтергә кәрәк, быйыл фестиваль программаһы тулыһынса үҙгәртелгән ине. Ул бик ҡыҙыҡлы, үҙенсәлекле булды һәм, башлыса, спорт менән профессиональ кимәлдә шөғөлләнмәгән ябай ғаиләләргә иҫәпләнгәйне.
Ярышҡа ун команда йыйылды. Улар ара-һында фестивалдә даими ҡатнашҡан күптән-ге таныштар менән бергә яңы йөҙҙәрҙе лә күреүебеҙгә ихлас һө-йөндөк. Гәзитебеҙҙең баш мөхәррире Римма Солтанованың сәләмләү һүҙҙәренән, Рәсәй һәм Башҡортостан флагтарына тигеҙләнеп, дәүләт гимндарын тыңлағандан һуң спорт байрамына рәсми старт бирелде.
(№ 93)

Көнүҙәк торлаҡ мәсьәләһе21.11.2016

Көнүҙәк торлаҡ мәсьәләһеЙәшәү урыны - бәхетле ғаилә тормошоноң үтә мөһим бер шарты. Кеше торлағын ҡуртымға алып тороу аҡса йәһәтенән генә ауырға төшмәй, балалар менән фатирҙан фатирға күсеп йөрөү нервыларҙы ла ҡаҡшата. Советтар Союзы заманында бушлай торлаҡ алыуға өмөт итергә мөмкин булһа, бөгөн тик үҙ көсөңә генә ышанырға ҡала. Шулай ҙа, халыҡтың айырым бер категорияһы йәшәү шарттарын яҡшыртыу өсөн дәүләттән ярҙам алыуға дәғүә итә ала. Бөгөн Рәсәйҙә, республикала ниндәй торлаҡ программалары эшләп килә, уларҙа кемдәр ҡатнаша ала, субсидиялар ниндәй шарттарҙа бирелә, сират ҙурмы - ошо һәм башҡа һорауҙар буйынса район хакимиәтенең торлаҡ бүлеге начальнигы Алина Агишева менән әңгәмәләштек.
(№ 93)


Материал ебәрергә

Рубрикалар


Яңылыҡтар архивы




Номерҙар архивы

Яңылыҡтар календары

«    Ғинуар 2018    »
ДшШшШршКйЙмШбЙкш
1234567
891011121314
15161718192021
22232425262728
293031 

Популяр яңылыҡтар


Ҡайҙа ҡиммәтерәк?Ҡайҙа ҡиммәтерәк?
Яңы йыл алдынан ниндәй ҡалаларҙа Ҡыш бабайҙы...

Байрамдар тыныс үтһенБайрамдар тыныс үтһен
Тиҙҙән барыбыҙҙың да яратҡан байрамы - көтөп...

Ғаилә үтәй алмаҫлыҡ бурыс бармы икән?Ғаилә үтәй алмаҫлыҡ бурыс бармы икән?
Ҡала мәҙәниәт үҙәгендә физик мөмкинлектәре...

«Ҡанат ҡуйылғандай булды», - ти ирекмән«Ҡанат ҡуйылғандай булды», - ти ирекмән
Рәсәй Президенты В. Путин «Рәсәй ирекмәне - 2017»...

Яңы йылға өмөт-ышаныстар бағлайбыҙЯңы йылға өмөт-ышаныстар бағлайбыҙ
Ҡомаҡ (1924, 1936, 1948, 1960, 1972, 1984, 1996,...


Бөтә хоҡуҡтар ҙа яҡланған. Мәҡәләләрҙе күсереп баҫҡанда һәм уларҙы өлөшләтә файҙаланғанда «Яйык» («Яик»)
гәзитенә һылтанма яһау мотлаҡ. Интернет сайттарында тура актив гиперһылтанма ҡуйырға.